Kulonga 32:32 - Baibo Busansulushi Bwa Libuku Ili

³² Ndakombelela amubalekelele. Sombi na mubule kubalekelela, mukushe liina lyangu mulibuku umo momwakalemba meena a bantu banu.”

Kulonga 32:32 ပူးပေါင်းရင်းမြစ်များ

2 Samwelo 18:33

Cikani ico mwaami Defedi cakamupula mumala abuumbi. Wakaya mucipinda cakalinga kunembo lya mwinjililo wa mukati akulila. Pakunooya moomo wakalinga kunooya caamba ayi, “Omwanaangu Abusalomu! Omwanaangu musankwa, Omwanaangu Abusalomu! Anu nikwafwabo ndime kuleka ndiwe Abusalomu, maawe mwanaangu, maawe mwanaangu!”

Kulumbaisha 139:16

Mwakambona kaantana kushalwa. Nshiku sha buumi bwangu mwakalinga kushilembete kale mulibuku lyanu kashitana akutalika nshiiku isho.

Kulumbaisha 56:8

Matongooshi angu amwaalembe, Amulembe shaminsonshi yangu mulibuku lyanu. Sa te shoonse shililembetwe mulibuku lyanu?

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Kulonga 32:10

Ono uteeleshi kunkasha. Ndakalala abuumbi ceebo ca bantu abo, aboobo ntoobanyonyoola. Kuswawaawo ndaakulengesha webo alimwi abamulunyungu lwako kuba mushobo unene abuumbi.”

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Esekelo 13:9

Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’

Danyelo 12:1

Mpeeke munjelo uyo wakalinga kufwete nsalu iteshimite wakaamba ayi, “Paciindi ico Mikaeli munjelo munene uyo ulama bene mishaanu ulaakunyamuka. Kulaakuba ciindi ca mapensho ico citana kubonekawo kale kuswa kumatalikilo amishobo kushikila asunu. Nakubi boobo paciindi ico, bene mishaanu boonse bacite meena alembetwe mulibuku lyakwe Lesa, balaakupulushikwa.

Amosi 7:2

Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Shakubelenga 11:15

Na mbweshi munooncita bulya, munyumfwile nkumbu akuncaya, kwaamba ayi ntakapengiwo lyobilo kubukali bwanu.”

Shakubelenga 11:25

Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.

Shakubelenga 14:19

Ono pacecino ciindi noBaami baLesa, kweelana akukomena kwa lusuno lwanu lutapilooki, amulekelele bantu aba cibiibi cabo, bweenka mbuli mbomwalinga kubalekelela kuswabo ndibakaswa mucishi ca Ijipiti tibili asunu.”

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

Dutolonomi 25:19

Paceebo ceeci, na Mwaami Lesa, Lesa wanu akamushiishe mucishi ico ncaatoomupa akumupulusha kubalwani banu abo bamushingulukite, mukacaaye bene Amaleki boonse kwaamba ayi kutakabi nabi womwi eshi akabeebaluke tubili. Kutalubaako kucita boobo!

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 22:19

Na muntu uli woonse wakusha maswi amwi pamaswi abulaluki ali mulibuku ili, Lesa alakwe ulaakumukushishaako shisepo sha kucisamu cipa buumi, amusena wakwe wa mundabala inene isalalite, isho shasansululwa mulibuku ili.

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’