Kulonga 32:30 - Baibo Busansulushi Bwa Libuku Ili

³⁰ Pabushiku bwakaboolaawo, Mose wakaambila bantu ayi, “Mwacita cibiibi ciyoosha. Sombi bulya ntooya pakalundu alimwi kuMwaami Lesa, mpashi inga wanyumfwila akumulekelela cibiibi canu.”

Kulonga 32:30 ပူးပေါင်းရင်းမြစ်များ

2 Samwelo 12:9

Ino wanyanshilanshi maswi angu nebo neMwaami Lesa kwiinda mukucita cintu cibiibi mumeenso angu? Wakacaisha Uliya mwine Iti munkondo. Wakamucaisha kubene Amoni akubwesa mukaakwe wamweeba.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

2 Baami 17:21

Pesule Mwaami Lesa ndyaakamana kupansaanya bene Isilaeli kuswa kubene Juda, bene Isilaeli bakasala Jeloboamu mwanaakwe Nebati ayi abe mwaami wabo. Mpeeke Jeloboamu wakabalengesha kukaka Mwaami Lesa akucita cibiibi ciyoosha.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Kulonga 32:29

Mpomunyaawo Mose wakaambila bene Lefi ayi “Sunu mwalibenga kuMwaami Lesa nobeene ayi muli bapailishi beshikumusebensela kwiinda mukucaya bana banu basankwa alimwi abamakwabanu, aboobo Mwaami Lesa wamupa coolwe.”

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Shakubelenga 16:47

Aboobo Aloni wakacita kweelana abwakaamba Mose, akucica kuya kubantu abo. Wakacana mwaalu watalika kale pabantu, sombi Aloni wakabika tununkila kabotu pakutenta pamakalangasha akucita shiyandika pakusalasha kweelana amulawo.

Shakubelenga 25:13

Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”

Luka 15:18

Ntoonyamuka nje kuli bata nkaambe ayi, Ta, ndaabisha kuli Lesa akuli ndimwe.

Luka 7:47

Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

1 Samwelo 12:17

Sa te nciindi cakutebula witi bulya? Ntoopaila kuMwaami Lesa ayi atume cilulumo amfuula. Lyalo mutooshiba ayi mwakacita cilubo cinene pameenso a Mwaami Lesa ndimwakasenga ayi amupe mwaami.”

1 Samwelo 12:19

Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”

1 Samwelo 12:20

Lyalo Samwelo wakabaambila ayi, “Mutaloondi, nakubi kwaamba ayi mwakacita cibiibi ca mushobo uyo, mutafutatili Mwaami Lesa, sombi kamumusebenselabo camoyo woonse.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 2:17

Cibiibi cakalinga kucita bana bakwe Eli cakakomena abuumbi pameenso aMwaami Lesa, mukwiinga milambu yakalinga kupekwa kuli nguwe bakalinga kuyeendelesha cakuteepa bulemu.