Kulonga 32:29 - Baibo Busansulushi Bwa Libuku Ili

²⁹ Mpomunyaawo Mose wakaambila bene Lefi ayi “Sunu mwalibenga kuMwaami Lesa nobeene ayi muli bapailishi beshikumusebensela kwiinda mukucaya bana banu basankwa alimwi abamakwabanu, aboobo Mwaami Lesa wamupa coolwe.”

Kulonga 32:29 ပူးပေါင်းရင်းမြစ်များ

2 Makani 35:3

Wakalwiita bene Lefi abo bakalinga kwiisha bene Isilaeli boonse abo bakasalashikwa ayi basebensele Mwaami Lesa ayi, “Mubike Libokoshi lya Cipangano muŊanda yakwe Lesa iyo mwaami Solomoni mwanaakwe Defedi njaakayaka. Tamweelete kwiilonshalonsha pashifushi shanu, sombi munanoosebensela Mwaami Lesa, Lesa wanu abantu bakwe bene Isilaeli.

Kulonga 32:28

Bene Lefi bakanyumfwila akucaya bantu bali mpashi shuulu shotatwe pabushiku ubo.

Kulonga 32:30

Pabushiku bwakaboolaawo, Mose wakaambila bantu ayi, “Mwacita cibiibi ciyoosha. Sombi bulya ntooya pakalundu alimwi kuMwaami Lesa, mpashi inga wanyumfwila akumulekelela cibiibi canu.”

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Sekaliya 13:3

Lyalo na umwi akanoocisuni kulaluka, baishi abanyina balaakumwaambila ayi, ‘Webo ulyeelete kufwa ceebo utoobeca kwiinda mukusebensesha liina lya Mwaami Lesa.’ Muntu wa mushobo uyo bamashali bakwe mwiine balaakumuyasa.

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.