Kulonga 32:17 - Baibo Busansulushi Bwa Libuku Ili

¹⁷ Mpomunyaawo Joshuwa wakanyumfwa ciyobeyobe ca bantu, akwaambila Mose ayi, “Ntoonyumfwa ciyobeyobe cili anga nca nkondo kumisumba.”

Kulonga 32:17 ပူးပေါင်းရင်းမြစ်များ

1 Makani 7:27

Elishama wakashala Nani, Nani wakashala Joshuwa.

Jobo 39:25

Na lupeenga ulo lwalilabo, alafoomashika. Bweema bwa nkondo alabunyumfwilabo kaacilibo kulaale alimwi alanyumfwila shitokwaambilisha bamatanjilili ba bashilumamba.

Kulumbaisha 47:1

Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Kulonga 17:9

Lyalo Mose wakaambila Joshuwa ayi, “Sala basankwa bamwi kwaamba ayi bakaye mukulwana abene Amaleki ciilo. Nebo ndaakwiimikana peculu pakalundu, kaancite ankooli iyo Lesa njaakandwiita ayi nyamune.”

Kulonga 24:13

Mpomunyaawo Mose alimwi aJoshuwa shikumucafwa, bakalibambila. Lyalo bakatalika kutanta kalundu kakwe Lesa.

Kulonga 32:16

Lesa mwiine ngowakapanga mabwe apampamene aya akulembawo milawo.

Kulonga 32:18

Lakwe Mose wakakumbula ayi, “Ciyobeyobe ico tacitoonyumfwika anga nca bantu bakoma nabi kulila kwa bantu bakomwa. Nciyobeyobe ca bantu batokwiimba.”

Kulonga 32:6

Ingayi bushiku bwakaboolaawo macuunsacuunsa bantu bakabenga milambu yakutenta alimwi amilambu ya bwanabwankashi. Mpomunyaawo bantu bakekala panshi akutalika kulya akusekelela, uko kwakesa mukuba kwa bucakolwa bupusenepusene alimwi akucita bufuule.

Jelemiya 51:14

Nebo neMwaami Lesa Shinkusu shoonse ndashomesha cakulumbila ayi, ‘Ndushinisho ndaakuleta bashilumamba baanji anga ncisoshi kwisa mukulwana Babiloni. Bashilumamba abo balaakoolobesha ceebo cakukoma.’ ”

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Amosi 2:2

Ndaakutuma mulilo pacishi ca Moabu, uyo weshi ukatente malinga a ndabala ya Kelyoti. Bene Moabu balaakufwita pakati ka ciyobeyobe ca nkondo, bashilumamba kabalisha mapeenga.

Joshuwa 6:10

Sombi Joshuwa wakacenjesha bantu ayi, “Kuteelesha koolobesha, kunyamuna maswi nabi kwaamba kushikila nkamulwiite ayi moolobeshe, lyalo mukoolobeshe!”

Joshuwa 6:16

Ono ndibakashinguluka lwasanu aobilo, bapailishi ndibakalibambila kulisha mapeenga, Joshuwa wakaambila bantu ayi, “Amoolobeshe! Ceebo Mwaami Lesa waaba ndabala inene iyi mumaansaanu!

Joshuwa 6:20

Mpomunyaawo bapailishi bakalisha mapeenga. Ono bantu ndibakaanyumfwabo, bakoolobesha cankusu, mpeeke lubumbu loonse lwakawa. Lyalo bashilumamba boonse bakaya benjila mundabala iyo akwiibwesa.

Joshuwa 6:5

Ono na mukanyumfwe batolelela kulisha linkanda ilyo boonse bantu bakoolobeshe. Lyalo lubumbu lwa ndabala loonse lulaakuwa. Mpeeke bashilumamba boonse balaakwinjila mundabala umo.”

Boomboloshi 15:14

Samusoni ndyaakashika kuLeyi, bene Filisiti bakesa coolobesha kuli nguwe. Mpomunyaawo Mushimu wa Mwaami Lesa wakesa pali nguwe akumupa nkusu. Aboobo wakasutoola ntambo nshaakalinga kwaangitwe mbuli butonje bwacatwa mulilo.

1 Samwelo 17:20

Defedi wakafuma macuunsacuunsa bushiku bwakaboolaawo wakashiya mbelele mumaansa a mweembeshi umwi, walibambila akuya kwakamutuma baishi. Wakashika paciindi bashilumamba ndibakalinga kuya mumindando yabo ya nkondo kabaya coolobesha mwaambo wa nkondo.

1 Samwelo 17:52

Mpomunyaawo bashilumamba bene Isilaeli bakawuumukila bene Filisiti muciyobeyobe cinene akubatandaanya kushikila akumwinjililo wa ndabala ya Gati alimwi akuminjililo ya ndabala ya Ekiloni. Abo bakalinga kuyaswa bakalinga kuya cicaalabo muya nshila ya kuShalaimu kuya mukushikabo akuGati alimwi akuEkiloni.