Kulonga 32:16 - Baibo Busansulushi Bwa Libuku Ili

¹⁶ Lesa mwiine ngowakapanga mabwe apampamene aya akulembawo milawo.

Kulonga 32:16 ပူးပေါင်းရင်းမြစ်များ

Jobo 19:24

Ncakwiila inga cabota na waalemba pamuntomfwe acakulembesha ca ceela, nabi kwaatala pamabwe ayi abe amuyayaya!

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:15

Mose wakaseluka pakalundu akuboolela, kaacite mabwe obilo apampamene apo pakalinga kulembetwe milawo kumbasu shoonse shobilo.

Kulonga 32:17

Mpomunyaawo Joshuwa wakanyumfwa ciyobeyobe ca bantu, akwaambila Mose ayi, “Ntoonyumfwa ciyobeyobe cili anga nca nkondo kumisumba.”

Kulonga 34:1

Mwaami Lesa wakaambila Mose ayi, “Besa mabwe obilo apampamene mbuli ataanshi alya, lyalo ndyeshi nembewo maswi eenka alya akalinga pamabwe ataanshi ayo ngowakapwaya.

Kulonga 34:4

Aboobo Mose wakabesa mabwe apampamene obilo akuyaawo kuKalundu ka Sinayi pabushiku bwakaboolaawo macuunsacuunsa, kweelana abwakamwaambila Mwaami Lesa.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

2 Bene Kolinto 3:7

Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

Dutolonomi 10:1

“Lyalo Mwaami Lesa wakandwiita ayi, ‘Besa mabwe obilo apampamene mbuli ataanshi alya alimwi upange libokoshi lya mapulanga kwaamba ayi waabikeemo. Lyalo use kuli ndime pakalundu.

Dutolonomi 9:15

“Aboobo ndakapiluluka akuseluka pakalundu, kaanjumwite mabwe obilo apampamene apo pakalinga kulembetwe cipangano. Mulilo wakalinga kubwenekete koobilima pakalundu.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.