Kulonga 30:8 - Baibo Busansulushi Bwa Libuku Ili

⁸ Ulyeelete kucita mbomunya ubo pakwisa mukunyasha malampi macolesha. Paceebo ceeci kupa cipo ici ca tununkila kabotu kulyeelete kutolelela lyoonsebo mumashalane anu oonse acisa.

Kulonga 30:8 ပူးပေါင်းရင်းမြစ်များ

2 Makani 26:18

kuya mukumukasha. Bakamwaambila ayi, “Mwebo baUsiya, tamucite nkusu shakutenta tununkila kabotu kuMwaami Lesa. Sombibo bapailishi bamulunyungu lwakwe Aloni mbobakasalwa kucita mulimo uyo. Amusweemo mumusena usalalite uyo. Mwebo mwakalasha Mwaami Lesa, aboobo Mwaami Lesa teshi akamupeewo coolwe.”

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulonga 12:6

Ono pabushiku bwalikumi ashone mumweenshi ngomunya uno macolesha, bene Isilaeli boonse balyeelete kucaya banyama abo.

Kulonga 25:37

Pacakubikawo malampi, ukapangilewo malampi osanwe aobilo akwaabika peculu cakwaamba ayi akanoomunikila kunembo.

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 30:7

Anu lyoonse macuunsa na Aloni wesa mukubamba malampi, ulyeelete kutentelawo tununkila kabotu abuumbi pacipaililo ico.

Kulonga 30:9

Pacipaililo ici, tamweelete kupetawo cipo ca tununkila kabotu tukashikwa, mulambu wakutenta uli woonse nabi cipo ca fulaulo. Kuteelesha kutila cipo ca cakunwa pali ncico.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

1 Bene Tesalonika 5:17

Amupaile kuli Lesa lyoonse.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.