Kulonga 3:8 - Baibo Busansulushi Bwa Libuku Ili

⁸ Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Kulonga 3:8 ပူးပေါင်းရင်းမြစ်များ

Matalikilo 11:5

Mpeeke Mwaami Lesa wakesa panshi mukubona ndabala inene acaanda cilaamfu ico cakayaka bantu abo,

Matalikilo 11:7

Atuye panshi tuye tufulunganye mulaka wabo kwaamba ayi banoobula kunyumfwana womwi awomwi.”

Matalikilo 15:13

Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Matalikilo 18:21

Ndyeelete kuyaako kwaamba ayi nkaboneshe na ncakwiila milandu njendakanyumfwa njancinencine.”

Matalikilo 43:11

Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi.

Matalikilo 46:4

Ntooya awebo kuIjipiti, alimwi bamulunyungu lwako ndaakubaboosha kucishi cino. Josefu ulaakunooliiwo waakufwa.”

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

1 Makani 1:15

bene Ifi, bene Aki, bene Sini

Neyemiya 9:8

Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 12:6

Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.

Kulumbaisha 34:8

Amweeleshe, mutoobona ayi Mwaami Lesa ngumubotu. Ulicite coolwe muntu uyuba muli nguwe.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulonga 12:41

Pabushiku myaaka iyo ili myaanda yone amakumi otatwe ndiyakamana, mikowa ya bantu ba Mwaami Lesa yoonse yakaswaamo mucishi ca Ijipiti.

Kulonga 12:51

Pabushiku bweenkoobo, Mwaami Lesa wakakusha mikowa ya bene Isilaeli mucishi ca Ijipiti.

Kulonga 13:5

Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 34:11

Munookonkela milawo yoonse njeshi mwaambile sunu. Ndaakutanda bene Amoli, bene Kenani, bene Iti, bene Pelisi, bene Ifi alimwi abene Jebusi kunembo lyanu.

Kulonga 5:23

Kuswabo ndindakaya kumwaami Falawo mukwaamba makani anu, utoobapensha abuumbi. Sombi mwebo tamukwe kubacafwaawo napaceyi!”

Isaya 36:17

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila shakupangisha shinkwa.

Isaya 64:1

Ncakwiila inga cabota abuumbi na mwapasula liculu akwisa panshi. Tulundu inga twatenkaana kuboowa kunembo lyanu.

Jelemiya 11:5

Lyalo ndaakucita kweelana ambondakashomesha cakulumbila kubamashali banu bakulukulu. Ncakwiila ndaakubapa cishi muli bubile abulongo bubotu, cishi ico ncemushiiteemo bulya.’ ” Mpomunyaawo ndakakumbula ayi, “Akube boobo, Nkambo.”

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 32:22

Kuswawaawo mwakabapa cishi ici muli bubile abulongo bubotu kweelana ambomwakashomesha bamashali babo bakulukulu.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Bene Lefi 20:24

Sombi mwebo ndamulasha kumupa cishi ico muli bubile abulongo bubotu. Ncakwiila nebo ndaakumupa cishi ici. Nebo ndime Mwaami Lesa, Lesa wanu uyo wakamupatula kuswa pakati ka mishobo yoonse.

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Shakubelenga 13:18

Muye mubone cishi mbocibete, kufula kwa bantu bekalaamo alimwi ambuli mbobabete kuyuma.

Shakubelenga 13:19

Mubone na cishi ncibotu nabi sobwe, alimwi na bantu balekala mumandabala atacite malinga nabi acite.

Shakubelenga 13:27

Lyalo bakaambila Mose ayi, “Cishi ico ncemwakatutumaako twakacibona, muli bubile abulongo bubotu. Shisepo shimwi sha mucishi ico nsheeshi.

Joni 3:13

Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Dutolonomi 1:25

Ndibakaboola bakatuletela shisepo nshibakacanaako uko. Bakaluula ayi cishi Mwaami Lesa, Lesa wesu ncaatootupa cilicite bulongo bubotu abuumbi.

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 27:3

Lyalo mukalembewo milawo amilasho yoonse njeshi mupe na mukashikebo mucishi muli bubile abulongo bubotu ico Mwaami Lesa, Lesa wa bamashali banu bakulukulu ncaakamushomesha.

Dutolonomi 28:11

Mwaami Lesa ulaakumupa baana baanji, shifubwa shiinji alimwi ashakulya shiinji mucishi ico ncaakashomesha bamashali banu bakulukulu ayi ulaakumupa.

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Joshuwa 5:6

Bene Isilaeli bakeendaana muluyanga kwamyaaka ili makumi one, kushikila basankwa boonse bakalinga kucite myaaka isuminishikwa kuba shilumamba ndibakamana kufwa, ceebo tabakwe kunyumfwila Mwaami Lesa. Mukwiinga Mwaami Lesa wakabashomesha cakulumbila ayi cishi muli bubile abulongo bubotu ico ncaakashomesha bamashali babo bakulukulu ayi ulaakutupa, teshi bakaciboneewo.

Joshuwa 9:1

Ono bamaami boonse bakalinga kumbo lya Mulonga wa Joodani bakanyumfwa kukoma kwa bene Isilaeli. Bamaami abo bakalinga kwikala kucishi ca tulundu, munkunamo ya tulundu twakumbo alimwi amuloombe lwa Lweenge lwa Mediteleniyani kuya mukushika akuLebanoni. Bakalinga bamaami ba bene Iti, bene Amoli, bene Kenani, bene Pelisi, bene Ifi alimwi abene Jebusi.

Joshuwa 9:7

Sombi basankwa bene Isilaeli bakaamba ayi, “Nciinshi ncemusunini kwaamba ayi tupange cipangano amwebo? Mpashi mwebo mulekalabo pafwaafwi.”