Kulonga 3:20 - Baibo Busansulushi Bwa Libuku Ili

²⁰ Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 3:20 ပူးပေါင်းရင်းမြစ်များ

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Neyemiya 9:10

Mwakacita shaankamiko kuli Falawo mwaami wa bene Ijipiti, bacinenenene bakwe akubantu ba mucishi cakwe coonse ceebo mwakalinga kwishi mbuli mbobakalinga kulyatilila bantu banu. Aboobo liina lyanu lyakaya mpuwo bweenka mbuli mboliyiite asunu.

Kulumbaisha 105:27

Bakacita milimo ya nkusu yakwe Lesa pameenso abo akucita shaankamiko mucishi cakwe Amu.

Kulumbaisha 105:38

Bene Ijipiti bakakondwa bene Isilaeli ndibakaya, mukwiinga bakalinga kubaloonda abuumbi.

Kulumbaisha 106:22

Wakacita shaankamiko mucishi cakwe Amu amilimo ikankamika abuumbi kuLweenge Lusalala.

Kulonga 11:1

Mpomunyaawo Mwaami Lesa wakaambila Mose ayi, “Ono ndaakutumabo mwaalu aumwi womwi kumwaami Falawo alimwi abene Ijipiti. Kuswawaawo Falawo ulaakumuleka ayi muye. Ncakwiila pakucita boobo, ulaakumutandaanyaamo noonse mucishi cino.

Kulonga 12:39

Lyalo bakapanga cimaande ca fulaulo ngobakakusha muIjipiti. Bakatandwaamo calubilo muIjipiti, aboobo bakabula ciindi cakubamba cakulya nabi kukanda fulaulo ucite cimena.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 6:1

Mpomunyaawo Mwaami Lesa wakaambila Mose ayi, “Ono utoobona nceshi ncite kumwaami Falawo. Ntoomukakatisha ayi aleke bantu bangu banooya. Ntoomukakatisha ayi abatande mucishi cakwe.”

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Kulonga 9:15

Nindakamupa mulandu kwiinda mukuleta mwaalu wa bulwashi pali ndiwe alimwi abantu bako bamucishi, naakwiinga noonse mwakanyonyoolwabo kalekale.

Isaya 19:22

Ee, Mwaami Lesa ulaakutuma mwaalu pabene Ijipiti. Baakwaana, ulaakubashilika. Balaakusandukila kuli nguwe alakwe ulaakukumbula kusenga kwabo akubashilika.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Esekelo 20:33

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumulela alyaansa lyangu lyankusu, lyaansa litambikitwe alimwi abukali buyoosha.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Dutolonomi 6:22

Twakabona ameenso esu, Mwaami Lesa kaacita shaankamiko ashintu shimwi shiyoosha kubene Ijipiti bamwi boonse, mwaami wabo alimwi abacinenenene bakwe boonse.

Boomboloshi 6:8

wakabatumina mulaluki wakabaambila ayi, “Mwaami Lesa, Lesa wa bene Isilaeli waamba ayi, ‘Ndakamukusha muIjipiti cishi cabusha.

Boomboloshi 8:16

Lyalo wakakwipa bantu abo amisako ya myuumfwa ituba aya mikona ya muluyanga.