Kulonga 3:18 - Baibo Busansulushi Bwa Libuku Ili

¹⁸ “Ono balaakukunyumfwila. Kuswawaawo ulyeelete kuya abamatanjilili ba bene Isilaeli kumwaami wa mucishi ca Ijipiti akumwaambila ayi, ‘Mwaami Lesa, Lesa wa bene Ebulu waliyubulula kuli ndiswe. Ono bulya tutoomusenga ayi mutusuminishe kweenda nshiku shotatwe muluyanga kwaamba ayi tukabenge kuMwaami Lesa, Lesa wesu milambu.’

Kulonga 3:18 ပူးပေါင်းရင်းမြစ်များ

Matalikilo 12:1

Mwaami Lesa wakaambila Abulamu ayi, “Shiya cishi cine mishaanu, bamakwanu alimwi aŋanda ya baiso, uye kumusena ngweshi nkakutondeshe.

Matalikilo 14:13

Mpomunyaawo musankwa wakaloboka akuya mukuluula shoonse ishi kuli Abulamu muEbulu. Abulamu uyo wakalinga kwikala pafwaafwi amibanga yakwe Mamule mwine Amoli, mukwabo Eshikoli alimwi aAneli. Bamukowa aba boonse Abulamu mbwaakalingaabo pantu pomwi.

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

2 Makani 30:12

Amwalo muJuda Lesa wakalinga kucite mulimo wakubacatanya pantu pomwi kwaamba ayi bacite kweelana amaswi a Mwaami Lesa mukukonkela shakaamba mwaami Esekiya abacinenenene bakwe.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 17:5

Mpomunyaawo Mwaami Lesa wakaambila Mose ayi, “Itawo bamatanjilili ba bene Isilaeli bamwi akutanjila kunembo lya bene Isilaeli boonse. Unyamune ankooli iyo njewakoomishako paMulonga wa Nailo, unooya.

Kulonga 19:1

Pabushiku butaanshi mumweenshi watatu kuswa paciindi ico bene Isilaeli ndibakaswa mucishi ca Ijipiti, bakashika muluyanga lwa Sinayi.

Kulonga 25:22

Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 30:36

Shimwi ukatwe kwaamba ayi shibe busu akubutola muTente ya Cipangano. Ukabusanseele kunembo lya Libokoshi lya Cipangano uko nkweshi nkanookumanina amwebo. Tununkila kabotu uto ulyeelete kwishiba ayi tulisalalite cancinencine.

Kulonga 30:6

Cipaililo ici, ukacibike pansengwe lya cisani ico cileleela panembo lya Libokoshi lya Cipangano, panembo lya cifwekesho cankumbu ca Libokoshi lya Cipangano uko nkweshi nkanookumanina awebo.

Kulonga 4:1

Lyalo Mose wakakumbula Mwaami Lesa ayi, “Ndaakucita buyani na bene Isilaeli bakabule kunshoma akunyumfwila, alimwi na bakaambe ayi tamukwe kuboneka kuli ndime?”

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Kulonga 4:24

Ndibakalinga kookesha pamusena umwi pakunooya kuIjipiti, Mwaami Lesa wakakumana aMose akuyanda kumucaya.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Kulonga 7:16

Ukamwaambile ayi, ‘Mwaami Lesa, Lesa wa bene Ebulu, wakantuma kwisa mukukulwiita ayi uleke bantu bakwe banooya kwaamba ayi bakamulambile muluyanga. Sombi abobulya webo toona kunyumfwa.

Kulonga 8:1

Mpomunyaawo Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa waamba ayi, ‘Leka bantu bangu baye kwaamba ayi bakanambile.

Kulonga 8:20

Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile.

Kulonga 8:23

Ndaakupansaanya pakati ka bantu bangu alimwi abantu ba mucishi cako. Caankamiko ici cilaakucitika ciilo.’ ”

Kulonga 9:1

Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa, Lesa wa bene Ebulu waamba ayi, ‘Leka bantu bangu baye kwaamba ayi bakanambile.

Kulonga 9:13

Kuswawaawo Mwaami Lesa wakaambila Mose ayi, “Ciilo macuunsacuunsa, ukaye ukakumane aMwaami Falawo akumwaambila ayi Mwaami Lesa, Lesa wa bene Ebulu waamba ayi, ‘Leka bantu bangu baye kwaamba ayi bakanambile.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Shakubelenga 17:4

Inkoli isho ukashitole kuTente ya Cipangano akushibika kunembo lya Libokoshi lya Cipangano, uko nkoonkumanina awebo.

Joshuwa 1:17

Tunanookunyumfwila bweenka mbotwakalinga kunyumfwila Mose. Mwaami Lesa, Lesa wako abe awebo bweenka mbwaakalinga aMose.