Kulonga 3:16 - Baibo Busansulushi Bwa Libuku Ili

¹⁶ Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 3:16 ပူးပေါင်းရင်းမြစ်များ

Matalikilo 1:7

Aboobo Lesa wakalenga musena ufongomene uyo akupansaanya maanshi ayo apanshi lya nguwo alimwi aayo ali peculu lya nguwo. Mpeeke kwakaba bweenka ubo.

Matalikilo 21:1

Mwaami Lesa wakapa coolwe Saala kweelana ambwaakalinga walasha.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 48:15

Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

Kulumbaisha 102:21

Aboobo liina lya Mwaami Lesa lilaakwaambilishikwa muSiyoni, ncakwiila lilaakulumbaishikwa mundabala inene ya Jelusalemu.

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

Kulumbaisha 8:4

anu muntu nciinshi ngweenga kamuyeeya? Muntubo nciinshi cakwaamba ayi kamumulama?

Kulonga 1:8

Kuswawaawo mwaami uyo watakalinga kwishi nabi comwi pali Josefu, wakatalika kulela mucishi ca Ijipiti.

Kulonga 13:19

Mpeeke Mose wakabwesa mafuwa akwe Josefu, kweelana aJosefu mbwaakalengesha bene Isilaeli kushomesha cakulumbila ayi balaakucita. Josefu wakaamba ayi, “Na Lesa akamupulushe, mulyeelete kunyamuna mafuwa angu kukusha kokuno.”

Kulonga 15:14

Mishobo yoonse yakanyumfwa nshemwakacita, aboobo itootutuma abuumbi. Bene Filisiti boowa bwabacata cankusu.

Kulonga 17:5

Mpomunyaawo Mwaami Lesa wakaambila Mose ayi, “Itawo bamatanjilili ba bene Isilaeli bamwi akutanjila kunembo lya bene Isilaeli boonse. Unyamune ankooli iyo njewakoomishako paMulonga wa Nailo, unooya.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 2:25

Lyalo Lesa wakabona mbuli mbobakalinga kufubitwe bene Isilaeli, mpeeke wakabanyumfwila nkumbu.

Kulonga 24:11

Lesa taakwe kucisawo bamatanjilili ba bene Isilaeli abo. Lesa bakamubona, lyalo bamatanjilili abo bakalya akunwita pantu pomwi.

Kulonga 3:2

Nkomunya uko, munjelo wa Mwaami Lesa wakaboneka kuli nguwe anga ngumulilo mucikupu. Mose wakacibona kacinyaka, sombi tecakalinga kupya.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 4:1

Lyalo Mose wakakumbula Mwaami Lesa ayi, “Ndaakucita buyani na bene Isilaeli bakabule kunshoma akunyumfwila, alimwi na bakaambe ayi tamukwe kuboneka kuli ndime?”

Kulonga 4:29

Lyalo Mose aAloni bakaya kuIjipiti akubunganya bamatanjilili boonse ba bene Isilaeli.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Mateyo 26:3

Lyalo bamatanjilili ba bapailishi abamaloba ba baJuda bakabungana mulubansa lwa mupailishi munene Kayafasi.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Milimo ya Batumwi 20:17

Ndyaakalinga kuMiletusi, Paulo wakatuma muntu kuEfeso mukulwiita bamatanjilili ba coonde ayi bakese mukukumana anguwe.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

Lute 1:6

Kunembo liya Naomi wakanyumfwa ayi bantu bene mishaabo, Lesa wakabapa coolwe kwiinda mukubapa shakulya shiinji. Mpomunyaawo wakalibambila kuboolela pantu pomwi abamalokashi bakwe.