Kulonga 3:10 - Baibo Busansulushi Bwa Libuku Ili

¹⁰ Ono ntookutuma kumwaami Falawo wa kuIjipiti kwaamba ayi ukatanjilile bantu bangu kuswa mucishi cakwe.”

Kulonga 3:10 ပူးပေါင်းရင်းမြစ်များ

Matalikilo 15:13

Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Kulumbaisha 105:26

Wakatuma Mose musebenshi wakwe, alimwi aAloni uyo ngwaakasala.

Kulumbaisha 77:20

Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.

Kulonga 12:40

Bene Isilaeli bakekala myaaka ili myaanda yone alimwi amakumi otatwe mucishi ca Ijipiti.

Kulonga 12:41

Pabushiku myaaka iyo ili myaanda yone amakumi otatwe ndiyakamana, mikowa ya bantu ba Mwaami Lesa yoonse yakaswaamo mucishi ca Ijipiti.

Kulonga 33:12

Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu.

Kulonga 33:13

Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”

Kulonga 6:26

Aloni alimwi aMose mbobaabo Mwaami Lesa mbwaakaambila ayi, “Amutanjilile mikowa ya bene Isilaeli kuswa muIjipiti.”

Osiya 12:13

Nebo neMwaami Lesa ndakatuma mulaluki kwaamba ayi akushe bene Isilaeli kuswa muIjipiti. Ndakabeembela kwiinda mumulaluki uyo.

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Milimo ya Batumwi 7:34

Ncakwiila ndaboona mbuli mbobatoopenshekwa bantu bangu muIjipiti. Paceebo ceeco, ndaanyumfwa matongooshi abo, ono ndesa mukubapulusha. Kwesa ono, nkutume kuIjipiti.’

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Milimo ya Batumwi 7:6

Mpeeke Lesa wakamwaambila ayi, ‘Baana ba mulunyungu lwako balaakuya mukwikala kucishi cimwi, uko nkweshi bakabe basha akupenshekwa myaaka ili myaanda yone.

Milimo ya Batumwi 7:7

Sombi ndaakoombolosha akupa mulandu bantu abo mbweshi bakasebensele cabusha. Kuswawaawo balaakuswaamo mucishi ico alimwi balaakunambila mumusena uno.’

Boomboloshi 6:14

Lyalo Mwaami Lesa wakamulwiita ayi, “Koya ankusu shako shoonse nshiwakapekwa ukafune bene Isilaeli kuswa mumaansa a bene Midyani. Sa te ndime ntookutuma?”

1 Samwelo 12:6

Mpeeke Samwelo wakabaambila ayi, “Mwaami Lesa ngowakasala Mose aAloni alimwi ngowakakusha bamashali banu bakulukulu muIjipiti.

1 Samwelo 12:8

Jakobo abamuŋanda yakwe ndibakaya kuIjipiti alimwi bene Ijipiti ndibakabapensha, bamashali bakulukulu abo bakalilila Mwaami Lesa ayi abacaafwe. Lyalo wakatuma Mose aAloni abo bakabakusha muIjipiti akubakalika mucishi cino.