Kulonga 28:9 - Baibo Busansulushi Bwa Libuku Ili

⁹ Ukabwese mabwe obilo eetwa ayi onikisi akulembawo meena a bana bakwe Jakobo basankwa bali likumi abobilo.

Kulonga 28:9 ပူးပေါင်းရင်းမြစ်များ

Matalikilo 2:12

Kulya kulacanika Golodi ubotu, mafuta anunkila kabotu ayo atacanikicaniki alimwi amabwe amakwebo.

1 Makani 29:2

Shintu shakuyakisha Ŋanda yakwe Lesa, Lesa wangu shoonse ndabamba. Ndabamba golodi, silifa, bulonse, sheela shilemulemu, mapulanga, mabwe amakwebo eetwa ayi Onikisi amabwe amwi a mishobo mishobo, mabwe akuyakisha alimwi amabwe aanji atuba.

2 Makani 2:7

“Ono amuntumine muntu ucishi kusebensesha golodi, silifa, bulonse alimwi anshimbi. Ulyeelete kunoocishi kutunga shisani shifubelafubela, shisalala pyu alimwi ashiboneka anga ndiculu kubikaawo alushibo lwa kutala. Lakwe uyo ulaakunoosebensa abantu bene Juda alimwi abene Jelusalemu bacishi milimo iyo abo bata baDefedi mbobakasala.

Jobo 28:16

Tabukoonshi kweelana amweelo wa golodi wiindaawo kubota wa kuOfi, nabi mweelo wa mabwe amakwebo eetwa ayi onikisi amabwe a safaya.

Kulonga 25:7

Ulyeelete kutambula mabwe asalala amabwe amwi amakwebo a cakufwala ca mupailishi munene ciitwa ayi efodi alimwi acakufwala cakwe ca pacaamba.

Kulonga 28:10

Kweelana bweenka mbobakashalwa. Nkokwaamba ayi palibwe lyomwi palyeelete kuba meena osanwe alyomwi, apalo pamwi osanwe alyomwi.

Kulonga 28:20

Mumundando wane mukaye mabwe eetwa ayi belilu, kanelyani alimwi ajasipa. Mabwe amakwebo aya alyeelete kubikwa mushakubikaamo sha golodi.

Kulonga 28:36

“Ukapange keela kapampamene ka golodi wiine wiine, akulembaawo ayi, ‘Wakabengwa kuMwaami Lesa.’

Kulonga 28:8

Kucakufwala ico kukatungilwe alaamba utungitwe kabotu wa shisani nshemunya ishi kwaamba ayi cikanoonungenebo.

Kulonga 31:5

Ndamupa abusongo bwakutimbula kabotu mabwe alimwi akwaabamba mpwaaelete, kubesa shisamu, alimwi akucita milimo imwi yoonse ya buyaki.

Kulonga 39:13

Mumundando wane mwakaya mabwe eetwa ayi belilu, kanelyani alimwi ajasipa. Mabwe amakwebo aya akabikwa mushakubikaamo sha golodi.

Kulonga 39:6

Bakabwesa mabwe eetwa ayi onikisi akwaabika mushakubikaamo sha golodi. Bakalembawo kabotu meena a bana bakwe Jakobo basankwa bali likumi abobilo.

Lwiimbo lwakwe Solomoni 8:6

Umbiike mbe anga ngukalamatila wa keshibilo kumoyo wako alimwi anga ngukalamatila wa keshibilo kulyaansa lyako. Mukwiinga lusuno lulicite nkusu anga ndufu, ee, lulicite nkusu anga ndufu lwiine. Lulanyaka kuba mulilo unene abuumbi akutenta bweenka butenta mulilo wiine wiine.

Isaya 49:16

Amubone, liina lyanu ndakalilemba mumapaka angu. Lilinga lya ndabala yanu lili mumeenso angu lyoonse.

Esekelo 28:13

Wakalinga muEdeni, ee, mumuunda wakwe Lesa. Mabwe amakwebo oonse akalinga kukubotesha. Nkokwaamba ayi mabwe amakwebo eetwa ayi lubi, topasi alimwi aemalodi, kilisolaiti, onekisi alimwi ajasipa, safaya, tekoisi alimwi abelilu. Shakubikaamo mabwe aya shakalinga sha golodi. Pabushiku ndiwakalengwa ashalo ndishakapangwa.

Sekaliya 9:16

Bushiku ubo bwaakushikila, Mwaami Lesa ulaakupulusha bantu bakwe bweenka mweembeshi mbwaafuna litanga lyakwe kubulwani. Bantu bakwe abo balaakunoobekabeka mucishi cakwe bweenka bubeka mabwe amakwebo kumushini.