Kulonga 28:3 - Baibo Busansulushi Bwa Libuku Ili

³ Ono ukeete bacite buuya bwakutunga, boonse abo mbondakapa busongo, akubalwiita kutunga shakufwala shakwe Aloni kwaamba ayi mukamusalashe akanonsebensela mulimo wa bupailishi.

Kulonga 28:3 ပူးပေါင်းရင်းမြစ်များ

1 Baami 7:14

Baishi, abo bakalinga kufwite kale, bakalinga bene Taya. Abalo bakalinga kwishi abuumbi kupanga shintu sha bulonse. Banyina bakaswa kumukowa wakwe Nafutali. Ulamu wakalinga kucenjete alimwi wakalinga shikupanga shintu sha bulonse ucishi abuumbi. Wakasumina kwiita kwakwe Solomoni ayi abe mweendeleshi wa beshikupanga shintu sha bulonse.

Kulonga 35:10

“Bacishi milimo boonse balyeelete kwisa mukupanga shintu shoonse shaamba Mwaami Lesa. Mbuli

Kulonga 35:25

Mpeeke boonse banakashi bakalinga kucishi milimo yakoosa busalu bakaleta busalu bwa booya bwa mbelele buboneka anga ndiculu, bufubelafubela alimwi abusalalabo pyu, busalu bwakutungisha shisani shibotu shiteshimite isho mbobakoosa.

Kulonga 35:30

Mpomunyaawo Mose wakaambila bene Isilaeli ayi, “Mwaami Lesa wasala Besalelo mwanaakwe Uli, uyo mushikulu wakwe Elu kuswa mumukowa wakwe Juda.

Kulonga 35:31

Lesa mwiine wakamwisusha Mushimu wakwe akumupa lushibo, busongo alimwi amaano a kwishiba milimo ili yoonse ya buyaki,

Kulonga 35:35

Wakabapa lushibo lwa muncito shipusenepusene isho shicita beshikutala pashintu shiyumu, beshikuyeeyela bweenga bwaba cintu cibotu, abaabo beshikutunga booya bwa mbelele buboneka anga ndiculu, bufubelafubela alimwi abusalalabo pyu, shisani shibotu shiteshimite, alimwi ashakufwalabo shimwi shoonse. Bantu bobilo aba balakonsha kucita milimo ili yoonse, alimwi mbeshikuyeeyela bweenga bwaba cintu cibotu.

Kulonga 36:1

“Anu Besalelo, Oolyabu alimwi abamwi boonse bacishi milimo abo Mwaami Lesa mbwaakapa lushibo alimwi abusongo bwa pamilimo, abo bacishi kupanga shintu shoonse shiyandika pakuyaka Tente isalalite, balyeelete kupanga shintu shoonse kweelana abwakaamba Mwaami Lesa.”

Kulonga 36:2

Mpeeke Mose wakeeta Besalelo, Oolyabu alimwi abasankwa bamwi boonse bacishi milimo abo Mwaami Lesa mbwaakapa maano alimwi bakalinga kulibambite kucafwa, akubalwiita ayi batalike kuyaka.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Dutolonomi 34:9

Ono Joshuwa mwanaakwe Nani wakesushikwa busongo mukwiinga Mose wakabika maansaakwe pali nguwe. Paceebo ceeci bene Isilaeli bakalinga kumunyumfwila akunoocita shoonse Mwaami Lesa nshaakalwiita Mose.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.