Kulonga 28:1 - Baibo Busansulushi Bwa Libuku Ili

¹ “Ono ita Aloni mukwanu alimwi abana bakwe basankwa, Nadabu, Abiyu, Eliyasa alimwi aItama. Ubapatule kuswa mubene Isilaeli kwaamba ayi bakansebensele mulimo wa bupailishi.

Kulonga 28:1 ပူးပေါင်းရင်းမြစ်များ

1 Makani 23:13

Amulamu munenebantu wakashala Aloni alimwi aMose. Aloni abamulunyungu lwakwe bakapekwa mulimo wakulama shintu shisalalite lyoonsebo, kubenga milambu kunembo lya Mwaami Lesa, kumusebensela alimwi akupa shoolwe bantu muliina lyakwe kwalyoonse alyoonse.

1 Makani 6:10

Jowanani wakashala Asaliya uyo wakalinga kusebensa muŊanda yakwe Lesa iyo yakayaka mwaami Solomoni mundabala inene ya Jelusalemu,

1 Makani 6:34

Samwelo wakalinga mwanaakwe Elikana, Elikana wakalinga mwanaakwe Jeloamu, Jeloamu wakalinga mwanaakwe Eliyelo, Eliyelo wakalinga mwanaakwe Towa,

2 Makani 11:14

Bene Lefi bakashiya mafulo amyuunda yabo akuya mukwikala muJuda amuJelusalemu mukwiinga mwaami Jeloboamu abakapyana bwaami bwakwe tebakalinga kubasuminisha kuba bapailishi ba Mwaami Lesa.

Kulumbaisha 115:10

Amucinke manungo muMwaami Lesa mwebo nobamulunyungu lwakwe Aloni, ngoomucafwa alimwi ndyeliyawo lyanu.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Kulonga 24:1

Mpomunyaawo Mwaami Lesa wakaambila Mose ayi, “Mutante kuli ndime, webo, Aloni, Nadabu, Abiyu alimwi abamatanjilili ba bene Isilaeli bali makumi osanwe aobilo. Ono kamucili palaaleeko, mufukame akunambila.

Kulonga 24:9

Mpeeke Mose, Aloni, Nadabu, Abiyu alimwi abamatanjilili ba bene Isilaeli bali makumi osanwe aobilo bakatanta pakalundu,

Kulonga 28:41

Shakufwala ishi ukafwalike mukwanu Aloni alimwi abana bakwe basankwa. Kuswawaawo ukabananike mafuta a olifi, akubabenga kuli ndime ayi bakansebensele mulimo wa bupailishi.

Kulonga 29:1

“Ono mbweshi ukacite kuli Aloni alimwi abana bakwe basankwa pakubabenga ayi bansebensele mulimo wa bupailishi mbulya. Ukabwese mucende mwaana alimwi ambelele shisankwa shobilo shitacite kampenda kali koonse.

Kulonga 29:44

Ndaakusalasha Tente, cipaililo, Aloni alimwi abana bakwe basankwa ayi bakansebensele mulimo wa bupailishi.

Kulonga 29:9

balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.

Kulonga 30:30

Kuswawaawo ukananike Aloni alimwi abana bakwe basankwa, akubabika pabupailishi bwakunoonsebensela.

Kulonga 31:10

shakufwala shabulemu shisalalite shakwe Aloni alimwi abana bakwe isho shakunoofwala na batoosebensa mulimo wa bupailishi,

Kulonga 35:19

Balyeelete kutunga shakufwala shibotu abuumbi isho bapailishi nsheshi bakanoofwala pakusebensa mulimo wa bupailishi muMusena Usalalite nkokwaamba ayi shakufwala shisalalite shakwe Aloni alimwi abana bakwe basankwa.”

Kulonga 6:23

Aloni wakeeba mwanaakwe Aminadabu, Elisheba uyo wakalinga nankashi yakwe Naashoni. Wakashalilamo Nadabu, Abiyu, Eliyasa alimwi aItama.

Bene Lefi 10:1

Bana bakwe Aloni basankwa beetwa ayi Nadabu aAbiyu, bakabwesa shikaye shabo shakubikawo mulilo, babikawo makalangasha atununkila kabotu akupa kuMwaami Lesa. Sombi mulilo uyo tewakalinga kusalalite ceebo Mwaami Lesa taakwe kubalwiita ayi bacite boobo.

Bene Lefi 10:12

Kuswawaawo Mose wakaambila Aloni abana bakwe basankwa bakacaalaawo beetwa ayi Elyasa alimwi aItama ayi, “Amubwese cipo ca fulaulo cakacaala kucipo ca shakulya, mupange cimaande alimwi akulita kulubasu lwa cipaililo ceebo cipo ici cilisalalite abuumbi.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Bene Lefi 8:1

Mpomunyaawo Mwaami Lesa wakaambila Mose ayi,

Bene Lefi 8:2

“Tola Aloni abana bakwe basankwa kumulyango wa Tente ya Cipangano. Ulete shakufwala shabo sha bupailishi, mafuta akunanika, mucende mwaana wa mulambu wakulekelelwa shibiibi, mbelele shisankwa shobilo alimwi amutaanga wa shimaande.

Shakubelenga 18:7

Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Shakubelenga 2:4

Mweelo wa basankwa bacikonsha kusebensa mulimo wa bushilumamba mulikoto ili ngu 74,600.

Shakubelenga 26:61

Sombi Nadabu alimwi aAbiyu bakafwa ndibakabenga mulambu pamulilo utasalalite kuMwaami Lesa.

Luka 1:8

Bumwi bushiku Sekaliya wakalinga kucita ncito yakwe yabupailishi muŊanda yakwe Lesa, bulishi bwakwe ndibwakashika.

Dutolonomi 10:6

Bene Isilaeli bakanyamuka kuswa pamikalo yakwe Jaakani akuya kuMosela. Uko Aloni wakafwa akufukilwa. Mpeeke Eliyasa mwanaakwe wakabwesa musena wakwe mubupailishi.

Dutolonomi 18:5

ceebo Mwaami Lesa wakasala mbabo abamulunyungu lwabo pakati ka mishobo yanu yoonse ayi mbweshi banoosebensela nguwe mulimo wa bupailishi lyoonse alyoonse.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.