Kulonga 27:1 - Baibo Busansulushi Bwa Libuku Ili

¹ “Ukapange cipaililo ca cisamu ca mulombe, cilyeelete kuba ca makonko one alimwi mumbasu shoonse cilyeelete kuba masentimita 220 sombi kuya mwiculu amasentimita 130.

Kulonga 27:1 ပူးပေါင်းရင်းမြစ်များ

2 Samwelo 24:18

Bushiku bweenka ubo Gadi wakashika kuli Defedi akumwaambila ayi, “Kamuya muyakile Mwaami Lesa cipaililo palubansa lwakulupwitaawo wakwe Alauna mwine Jebusi ulya.”

2 Baami 16:14

Cipaililo cakapangwa abulonse cakabengwa kuMwaami Lesa cakalinga pakati ka cipaililo cipya aŊanda yakwe Lesa. Lyalo Aasi wakacisenya kumatwa acipaililo cipya.

1 Makani 6:49

Sombi Aloni abamulunyungu lwakwe mbobakalinga kubenga milambu pacipaililo ca milambu yakutenta akutenta tununkila kabotu pacipaililo ca ntuto. Bakalinga kucite ncito inene yakulambila muMusena Usalalite Wiindaawo akubenga milambu ayi Lesa alekelele shibiibi sha bene Isilaeli. Bakalinga kucita shoonse ishi kweelana ashakaamba Mose, musebenshi wakwe Lesa.

2 Makani 4:1

Mwaami Solomoni wakayaka cipaililo ca bulonse cakalinga mamita ali 9 mumbasu shoonse alimwi amamita 4.5 kuya mwiculu.

Esila 3:2

Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.

Kulonga 17:15

Mpomunyaawo Mose wakayaka cipaililo akucitumba ayi, “Mwaami Lesa njembembela yangu yakukoma.”

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.

Kulonga 31:9

cipaililo cakubengelawo milambu yakutenta ashintu sha ncico, mbale ifongomene yakusambilaamo alimwi acapanshi ca ncico,

Kulonga 35:16

cipaililo ca milambu yakutenta alimwi acili anga nguseefwa ca bulonse ca ncico, shisamu shakucinyamwishaako alimwi ashintu sha ncico shoonse, mbale ifongomene yakusambilaamo acapanshi ca ncico,

Kulonga 39:39

Lyalo bakaleta cipaililo ca bulonse alimwi acili anga nguseefwa ca bulonse ca ncico, shisamu shakunyamwisha ashintu sha nshisho shoonse, mbale ifongomene yakusambilaamo alimwi acapanshi ca njiyo,

Kulonga 40:10

Kuswawaawo ukabenge cipaililo alimwi ashintu sha ncico shoonse kuli ndime kwiinda mukushinanika mafuta asalalite, lyalo cilaakunoosalalite cakumaninina.

Kulonga 40:29

alimwi mpekaawo kunembo lya cisani cakushitilisha, wakabikawo cipaililo cakutentelawo milambu. Pali ncico, wakatentelaawo mulambu wakutenta alimwi acipo ca fulaulo kweelana abwakamwaambila Mwaami Lesa.

Kulonga 40:6

Ono kunembo lya Tente, ukabikeko cipaililo cakutentelawo milambu.

Shakubelenga 3:31

Balo mulimo wabo wakalinga wakulama Libokoshi lya Cipangano, tebulu, cakubikawo malampi, shipaililo, shisebensesho isho bapailishi nshebakalinga kusebensesha muMusena Usalalite, alimwi acisani cakushitilisha pamulyango wa kuMusena Usalalite Wiindaawo. Nkokwaamba ayi bakapekwa milimo yoonse ikumite kushintu ishi.

Shakubelenga 4:13

Mpeeke balaakukusha milota ya pacipaililo ca bulonse alimwi akufwekawo cisani cifubelafubela.

Shakubelenga 4:14

Ndyeshi bakabikewo shintu shoonse shisebenseshekwa mumilimo ya pacipaililo, shikaye shakubikaawo mulilo, shakusubushako nyama, mafosholo alimwi ambale shifongomene. Kuboolaawo ndyeshi bakafwekewo cipaya citeshimite akwinjishamo shisamu shakunyamushaako.

Bene Ebulu 13:10

Anu bapailishi basebensa mumusena ngobapaililaamo baJuda, tabasuminishikwi kulya milambu ya banyama ipekwa pacipaililo.