Kulonga 26:36 - Baibo Busansulushi Bwa Libuku Ili

³⁶ “Apalo pamulyango wa Tente ukatungilewo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi akutungilawo shimwi shakwiibotesha.

Kulonga 26:36 ပူးပေါင်းရင်းမြစ်များ

2 Samwelo 7:6

Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kuya cilonga musena amusena atente keeli njeŋanda yangu.

Kulumbaisha 78:60

Wakashiya tente yakwe kuShilo, iyo njaakalinga kwikalaamo pakati ka bantu bakwe.

Kulonga 26:31

“Ukatunge acisani cakushitilisha citeshimite cibotu, ukacituunge abooya bwa mbelele buboneka anga ndiculu, bufubelafubela alimwi abusalalabo pyu. Ukatungileewo shintu shicite mapapaminwa shiitwa ayi bakelebu.

Kulonga 27:16

Ono pamulyango peene, palyeelete kuba cisani cakushitilisha ca nsalu iteshimite ibotu cili mamita ali 9 mubulaamfu apo patungitwe booya bwa mbelele buboneka anga ndiculu, bufubelafubela alimwi abusalalabo pyu, alimwi patungitwe ashimwi shintu shakubotesha. Shilyeelete kunoocatite kusheela shone shili mushapanshi shone.

Kulonga 28:15

“Ono kukatungwe acakufwala pacaamba ca mupailishi munene ayi anoocisebensesha mukwishiba kuyanda kwangu nebo neLesa. Acalo cilyeelete kutungwa kushintu sheenka shili mbuli sha efodi alimwi ashakubotesha shikoshenye.

Kulonga 28:39

“Ukatunge mwinjila wakwe Aloni kuswa kucisani cibotu citeshimite, cisani cibotu citeshimite ca kumutwi alimwi alaamba wakatungwaawo shakubotesha.

Kulonga 35:11

Tente, cakufwekaawo ca ndilyo, cakufweka peculu, shakukobekesha alimwi ashintu shamakonko one sha ndilyo, mbaalo, shisamu alimwi ashapanshi sha nshisho,

Kulonga 35:15

cipaililo cakutentelawo tununkila kabotu alimwi ashisamu shakucinyamwishaako sha ncico, mafuta akunanika, tununkila kabotu pakutenta, cisani cakushitilisha kumwinjililo wa Tente,

Kulonga 36:37

Apalo pamulyango wa Tente bakatungilaawo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi bakatungilaawo shimwi shakwiibotesha.

Kulonga 38:18

Calo cisani ca pamulyango wa lushito, cakalinga ca cisani cibotu citeshimite cakatungwa abooya bwa mbelele buboneka anga ndiculu, bufubelafubela alimwi abusalalabo pyu kapatungitwe ashakubotesha.

Kulonga 39:29

alimwi alaamba wa cisani cibotu citeshimite abooya bwa mbelele buboneka anga ndiculu, bufubelafubela alimwi abusalalabo pyu. Pakalinga kutungitwe ashakubotesha, kweelana aMwaami Lesa mbwaakaambila Mose.

Kulonga 39:33

Bantu bakaletela Mose Tente alimwi ashintu sha njiyo shoonse, shakukobekesha, shintu shamakonko one, mbaalo, shisamu, shapanshi sha njiyo,

Kulonga 40:5

Lyalo ukabike cipaililo ca golodi cakutentelawo tununkila kabotu kunembo lya Libokoshi lya Cipangano, akukobeka cisani cakushitilisha pamulyango wa Tente.

Esekelo 16:10

Ndakakufwalika lilaya lyakatungwa shakulibotesha akukufwalika nkwabilo sha cipaya. Ndakakufwalika cakufwala ca nsalu iteshimite akukufwekelesha ansaalu sha makwebo.

Shakubelenga 3:25

Bamucipani ici bakapekwa mulimo wakulama Tente, cakufweka peculu ca mukati, cakufweka peculu ca pansengwe lya Tente, cisani cakushitilisha pamulyango,

Shakubelenga 9:15

Ono pabushiku Tente ya Cipangano ndiyakayakwa, likumbi lyakesa akwiifwekelesha. Kuswa macolesha kushikila amacuunsa, likumbi lyakalinga peculu lya Tente lyakalinga kuboneka anga ngumulilo.

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.