Kulonga 24:8 - Baibo Busansulushi Bwa Libuku Ili

⁸ Lyalo Mose wakabwesa bulowa ubo bwakalinga mumbale shifongomene akubusanseela pabantu. Wakaamba ayi, “Ubu mbobulowa buyuminisha cipangano ico Mwaami Lesa ncaakapanga ndyaakamupa milawo iyi yoonse.”

Kulonga 24:8 ပူးပေါင်းရင်းမြစ်များ

1 Baami 8:21

Ndakabamba amusena muŊanda yakwe Lesa wakubikaawo Libokoshi lya Cipangano ilyo licite mabwe a cipangano ico Lesa ncaakapanga abamashali besu bakulukulu ndyaakabakusha muIjipiti.”

1 Baami 8:9

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi, Lesa ndyaakapanga cipangano abene Isilaeli palya ndibakalinga kuswa kuIjipiti.

Kulumbaisha 78:36

Sombi balo bakalinga kumulambilabo pamilomo, bakalingabo kumubeca mukwaamba kwabo.

Kulonga 24:6

Mose wakabwesa musa wa bulowa bwa bacende akububika mumbale shifongomene, bumwi bwakacaalaawo, wakabusanseela pacipaililo.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Lefi 8:30

Kuswawaawo Mose wakabwesa mafuta akunanika alimwi abulowa bumwi bwakalinga pacipaililo, akubusanseela pali Aloni, bana bakwe basankwa alimwi apashakufwala shabo boonse. Munshila iyo wakabenga mbabo alimwi ashakufwala shabo kuMwaami Lesa.

Agayi 2:5

Mutaloondi mukwiinga Mushimu wangu uli andimwe bweenka mbondakamushomesha ndindakamukusha mucishi ca Ijipiti. Nebo neMwaami Lesa Shinkusu shoonse ndaamba.’

Sekaliya 9:11

Mwaami Lesa waamba ayi, “Ono mwebo ceebo ca cipangano ncendakapanga amwebo ico cakayuminishikwa abulowa bwa milambu, ndaakwaangulula bakaili banu kuswa mucishi ca busha cili anga ncilindi citacite maanshi.

Mateyo 26:28

mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Maako 14:24

Lyalo wakabaambila ayi, “Ubu mbulowa bwangu bwa cipangano cipya bweshi bukatiilwe ceebo ca bantu baanji.

Luka 22:20

Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]

1 Bene Kolinto 11:25

Mbweeke ubo ndibakamana kulya Mulalilo wakabwesa nkomeshi akwaamba ayi, “Nkomeshi iyi ncecipangano cipya cakwe Lesa ciyuminishikwa abulowa bwangu. Lyoonse pakunwa kamucita boobo mukunjibaluka.”

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Dutolonomi 5:2

PaKalundu ka Sinayi Mwaami Lesa, Lesa wesu wakapanga cipangano,

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Joshuwa 24:25

Munshila iyo Joshuwa wakapanga cipangano kubantu abo pabushiku ubo alimwi kuShekemu kweenka uko wakabapa milawo amilasho yakukonkela.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.