Kulonga 24:18 - Baibo Busansulushi Bwa Libuku Ili

¹⁸ Lyalo Mose wakaya peene peculu lya kalundu akwinjila mulikumbi. Pakalundu apo, wakeekalawo nshiku shili makumi one, malumwi amashiku.

Kulonga 24:18 ပူးပေါင်းရင်းမြစ်များ

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

1 Baami 19:8

Elija wakabuka walya akunwa. Lyalo cakulya cakamupa nkusu shakweenda nshiku makumi one kuya mukushika kuSinayi kalundu kasalalite.

Kulonga 19:20

Mpomunyaawo Mwaami Lesa wakaselukila paKalundu ka Sinayi akwiita Mose ayi atante. Lyalo Mose wakatanta pakalundu.

Kulonga 25:1

Pesule Mwaami Lesa wakaambila Mose ayi,

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Kulonga 34:28

Mpeeke Mose wakekala kweenka uko aMwaami Lesa kwanshiku shili makumi one, nkokwaamba ayi malumwi amashiku, kaatali nabi kunwa cintu nabi comwi. Wakalemba maswi a cipangano ayo pamabwe apampamene. Maswi ngaakalemba njiMilawo ili Likumi.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Kulonga 9:33

Kuswawaawo Mose wakaswaako kumwaami Falawo, alimwi akuswa mundabala inene umo. Lyalo wakatambika maansaakwe akupaila kuMwaami Lesa. Mpeeke kukalooka, mabwe alimwi amfuula shoonse shakamana.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Mateyo 4:2

Ndyaakamana kulikasha kulya kwa nshiku makumi one, malumwi amashiku, Jesu wakanyumfwa nsala.

Maako 1:13

umo mwaakekala nshiku makumi one kaasunkwa aSatana. Wakekala muluyanga mwikala banyama, lyalo baanjelo bakamutabatila.

Luka 4:2

Umo muluyanga wakekalaamo nshiku makumi one kaasunkwa aMubiibi, sombi akaya mulomo. Lyalo nshiku makumi one ndishakamana wakafwa nsala.

Dutolonomi 10:10

“Ono ndakekala pakalundu nshiiku makumi one mbuli mbondakacita kataanshi. Mwaami Lesa wakanyumfwa kusenga kwangu akusumina kutamunyonyoola.

Dutolonomi 5:31

Sombi webo Mose unooshiite anebo kuno. Ntookulwiita milawo amilasho yangu yoonse. Ukeeishe bantu kwaamba ayi bakanooikonkela mucishi ico nceshi nkabape.’

Dutolonomi 9:18

Ono alimwi ndakafubama pameenso aMwaami Lesa kwanshiku makumi one cakutalya nabibo kaanshi. Ndakacita boobo ceebo mwakabishisha akukalasha Mwaami Lesa.

Dutolonomi 9:25

“Aboobo ndakafubama pameenso aMwaami Lesa nshiiku makumi one mukwiinga ndakalinga kwishi ayi wakalinga kushinishite kumunyonyoola.

Dutolonomi 9:9

Ndindakatanta peculu lya kalundu kwaamba ayi ntambule mabwe obilo apampamene, apo pakalinga kulembetwe cipangano ico Mwaami Lesa ncaakapanga amwebo, ndakekala apo nshiku makumi one cakutalya nabi kunwaawo cimwi cintu.