Kulonga 23:7 - Baibo Busansulushi Bwa Libuku Ili

⁷ Mutabekeshi muntu shikani, nabi kupingula ayi muntu utacite mulandu acaikwe, mukwiinga ndaakupa mulandu muntu woonse ucita cibiibi ca mushobo wooyu.

Kulonga 23:7 ပူးပေါင်းရင်းမြစ်များ

Matalikilo 18:23

Lyalo Abulaamu wakasena kuMwaami Lesa akwiipusha ayi, “Sa mutoonyonyoola cancinencine bacite milandu abatacite?

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Kulumbaisha 119:29

Amunkaashe kweenda munshila shibiibi. Mumfwite luse kwiinda mukunjiisha milawo yanu.

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

Kulonga 20:13

“Utacaayi muntu, sobwe.

Kulonga 20:16

“Utapi bukamboni bwakubeca pali shikamukobonyoko.

Kulonga 23:1

“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.

Kulonga 34:7

Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

Tushimpi 11:21

Amwishibe ayi bamucita shibi balaakupekwa mulandu, sombi baluleme teshi bakapekwewo mulandu.

Tushimpi 17:15

Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Isaya 5:20

Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.

Bene Lefi 19:11

“Mutanokwiipa, kubeca nabi kuba shikucenjeeka.

Bene Lefi 19:16

Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Luka 3:14

Abamwi bashilumamba bakamwiipusha ayi, “Ino swebo tucite buyani?” Wakabaambila ayi, “Mutapambi cintu ca muntu akubekesha milandu alimwi mulyeelete kusumina ayi ayo maali ngomutoofola ngaanji.”

Bene Loma 1:18

Lesa wayubulula bukali bwakwe kuswa kwiculu pashibiibi bantu nshebacita alimwi akutamulemeka. Bubi bwabo mbobwalengesha bantu bamwi kuteshiba lushinisho lwapali nguwe.

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Dutolonomi 25:1

“Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.

Dutolonomi 27:25

“ ‘Aashinganishikwe muntu uli woonse uyo utambula makulo ayi acaye mubye utacite mulandu.’ “Mpeeke bantu boonse balaakwaamba ayi, ‘Ameni!’

1 Bene Tesalonika 5:22

akulitalamusha kushibiibi sha mushobo uli woonse.