Kulonga 23:2 - Baibo Busansulushi Bwa Libuku Ili

² Mutanookonkela likoto lya bantu na batoobisha nabi na batoopa bukamboni bulengesha kusendeka koombolosha kululeme.

Kulonga 23:2 ပူးပေါင်းရင်းမြစ်များ

Matalikilo 19:4

Beensu abo kabatana kuya mukoona basankwa ba muSodoma bakashinguluka ŋanda iyo. Basankwa boonse bamundabala, banene abanike bakalingaawo apo.

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Matalikilo 7:1

Mwaami Lesa wakaambila Nowa ayi, “Njila mubwaato abamuŋanda yako boonse. Ndacana kwaamba ayi pabantu boonse mucishi ca panshi ndiwe ucitabo shiluleme.

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

Jobo 31:34

Nshikwe kuloondawo shakalinga kwaamba bantu nabi kukutumanaawo akulicalila muŋanda mukwiinga wakuloonda kushibulukwa kuli mbabo.

Kulumbaisha 72:2

Lyalo akalele bantu banu cakutanyengelela, akweendelesha cabululami bantu banu balyatililwa.

Tushimpi 1:15

Omwanaangu, kutasumina kweenda abantu ba mushobo uyo. Kuteelesha nabi paniini kukonkela nshila shabo

Tushimpi 18:5

Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Tushimpi 4:14

Utakeeleshi kukonkela bucita bantu babiibi alimwi kuteenda munshila sha bamucita shibi.

Jelemiya 37:15

Bacinenenene abo bakankalalila abuumbi, banguma alimwi akuncalila muŋanda yakwe Jonasani mulembi wa kubwalo iyo njebakasandula kuba ntolongo.

Jelemiya 37:21

Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.

Jelemiya 38:9

“Nomulemekwa, cacita bantu aba kuli Jelemiya mulaluki cakumubika mumukalo ncilubo. Mumukalo mulya ulaakufwabo kunsala shakulya shoonse shikamaane mundabala inene ino.”

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Agayi 1:4

“Mwebo nobantu bangu, inga kamwikala buyani mumaandaanu ngomwakayaka kabotu, sombi Ŋanda yangu keelibo matongo?

Maako 15:15

Ono Pilato mukusuna ayi asangalashe bantu, wakabaangulwita Balabasi. Mpeeke Pilato wakaamba ayi Jesu akwiipwe misako. Kuswawaawo, wakamwaaba kubashilumamba ayi apopwe pamucilingano.

Luka 23:51

alimwi wakalinga kulangilabo Bweene bwakwe Lesa. Nakubi kwaamba ayi alakwe wakalinga mweendeleshi wa munkuta ya baJuda, taakalinga kusumina miyeeyo amicito imwi ya beendeleshinyina.

Milimo ya Batumwi 24:27

Ndipakeenda myaaka yobilo, Poshasi Fesitasi wakapyana Felekisi pabweendeleshi bwa cishi. Ono mukwiinga Felekisi wakalinga kusuni ayi baJuda bamusuune, wakashiya Paulo muntolongo.

Milimo ya Batumwi 25:9

Fesitasi wakalinga kusuni ayi baJuda bamusuune, aboobo wakeepusha Paulo ayi, “Sa ulisuminite kutolwa kuJelusalemu kwaamba ayi nkakoombolosheshe nkuko?”

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

1 Samwelo 15:24

Mpomunyaawo Saulo wakaambila Samwelo ayi, “Ncakwiila ndabiisha. Ndasotoka shakaamba Mwaami Lesa alimwi amilasho yanu. Ndakaloonda bantu, aboobo ndakabanyumfwila.

1 Samwelo 15:9

Ono Saulo abashilumamba bakwe tabakwe kucaya Agagi, nabi mbelele aŋombe shibotu, boombe abana ba mbelele beenite. Nkokwaamba ayi shintu shoonse shakalinga shibotu tabakwe kushinyonyoola. Sombi shoonse shatakalinga kuboneka kabotu, bakashinyonyoola.