Kulonga 23:16 - Baibo Busansulushi Bwa Libuku Ili

¹⁶ “Mulyeelete kusekelela Kutebula na ndyemwatalikabo kutebula shakulya shanu. “Kamuba akusekelela kwa Shimpaka ciindi ca cilimo, ndyemutebula shisepo mumyuunda ya minyansa alimwi aya shisepo shimwi.

Kulonga 23:16 ပူးပေါင်းရင်းမြစ်များ

Esila 3:4

Mpeeke bakaba akusekelela kwa Shimpaka kweelana amilasho. Pabushiku abushiku bakabenga mweelo wa milambu yakutenta weelete.

Kulonga 22:28

“Mutancoboli neLesa, nabi kushingana muleli wa bantu bene mishaanu.

Kulonga 22:29

“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 34:22

“Ono mulyeelete kulama bushiku bwakusekelela kutebula, paciindi ico ndyemutalika kutebula shishango shanu shitaanshi sha witi, alimwi akulama ciindi cakusekelela kwa Shimpaka ciindi ca cilimo na mwamana kuyobolola shisepo shanu.

Tushimpi 3:9

Lemeka Mwaami Lesa abuboni bwako boonse ansoomo sha shisepo sha mumuunda wako.

Shakubelenga 29:1

“Ono pabushiku butaanshi mumweenshi wasanu ayobilo, balyeelete kubungana ayi balambile alimwi tabeelete kucita mulimo umwi uli woonse. Bushiku ubu mbwakulisha mapeenga.

Joni 7:2

Ono ciindi cakusekelela kwa baJuda ca Shimpaka cakalinga pafwaafwi.

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.

Milimo ya Batumwi 2:1

Bushiku bwa Pentekositi ndibwakashika, bashomi boonse bakalinga kubungene muŋanda yomwi.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.