Kulonga 22:24 - Baibo Busansulushi Bwa Libuku Ili

²⁴ Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.

Kulonga 22:24 ပူးပေါင်းရင်းမြစ်များ

Neyemiya 5:7

Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

Kulumbaisha 109:2

Bantu babiibi, babeshi batoondwana, ee, bacalula milomo yabo akwaamba shakumbekesha.

Kulumbaisha 109:9

Bana bakwe ababe bana banshiwa, alakwe mukaakwe acaale mukalubinje.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 69:24

Amubatondeshe bukali bwanu. Bukali bwanu buyoosha abubanyonyoole.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Jelemiya 15:8

Ndaakulengesha bamukalubinje banu kufula kwiinda museese wa muloombe lwa lweenge. Lisuba kalili pakati ka mutwi, ndaakucaya bacikula bwangu basankwa akulengesha bamanyinawabo kupenga. Cakuteengashila ndaakubaletela buumba aboowa.

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Malilo 5:3

Twaba bamucaala batacite bamaishiwabo, bamanyinawesu bacaala bumukalubinje.

Bene Lefi 25:35

“Na mwine Isilaelinyoko ngobambenaakwe waba mukandu akunokwaalilwa kulicafwa, ulyeelete kumucafwa bweenka mbweenga wacafwa musebenshi, kwaamba ayi atolelele kunookala pafwaafwi awebo.

Bene Lefi 25:36

Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

Dutolonomi 23:20

Muswamashi inga wamubooshela ampindu, sombi kuteshi mwine Isilaelinyinaanu. Amukonkele mulawo uyu kwaamba ayi Mwaami Lesa, Lesa wanu akamupe coolwe pacintu cili coonse nceshi mukacite mucishi ico ncemutooya mukwikalaamo.

Dutolonomi 23:21

“Na mwashomesha cakulumbila Mwaami Lesa, Lesa wanu cintu cimwi, kuteelesha kucelwa kucita kweelana ambomwashomesha. Mukwiinga Mwaami Lesa ulaakunoolangila, aboobo na mwabula kucicita, mulaakupekwa mulandu.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!