Kulonga 22:20 - Baibo Busansulushi Bwa Libuku Ili

²⁰ “Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Kulonga 22:20 ပူးပေါင်းရင်းမြစ်များ

1 Baami 18:40

Mpomunyaawo Elija wakabaambila ayi, “Amubacaate balaluki bakwe Baali boonse. Mutasuminishi ayi umwi aye!” Bantu bakabacata boonse. Mpeeke Elija wakabatola kuMulonga wa Kishoni akubacaya boonse uko.

2 Baami 10:25

Jewu ndyaakamanabo kubenga milambu, wakaambila beshikulindilila abacinenenene bakwe ayi, “Kamuya mucaye boonse, mutaleeki muntu nabi womwi kucica!” Bakenjila amipeeni akumana kubacaya. Mibili yabo bakeetintila pansengwe. Lyalo bakeenjila mucipinda cisalalite muŋanda yakwe Baali.

2 Makani 15:13

Uli woonse, mwaana nabi munene, musankwa nabi mwanakashi weshi akabule kulambila Mwaami Lesa, Lesa wa bene Isilaeli, ulaakucaikwa.

Kulonga 23:9

“Mutabi alunkutwe kumuswamashi. Mwebo mulishi buswamashi mbobubete ceebo mwakalinga baswamashi mucishi ca Ijipiti.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Kulonga 34:15

Mutakeeleshi kupanga cipangano abantu ba mucishi ico, mukwiinga pakunoolambila balesa babo alimwi akubabengela milambu, balaakumutamba amwebo. Paceebo ceeci mulaakulya nshebabenga kubalesa babo.

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Bene Lefi 19:33

“Tamweelete kupensha baswamashi bashiite mucishi canu.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Shakubelenga 21:3

Mwaami Lesa wakabanyumfwa akubacafwa ayi bakome bene Kenani. Aboobo bene Isilaeli bakabanyonywetabo limwi pantu pomwi amandabala abo. Mpeeke musena uyo wakatumbwa ayi Oma.

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

Dutolonomi 23:8

Bamulishalane lyabo lyatatu kuya kunembo, balakonsha kubungana abantu ba Mwaami Lesa.

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.