Kulonga 22:1 - Baibo Busansulushi Bwa Libuku Ili

¹ “Ono na muntu umwi weepa musune nabi mbelele akucaya nabi kuulisha, ulyeelete kulipila basune bosanwe pamusune womwi, nabi mbelele shone pambelele yomwi.

Kulonga 22:1 ပူးပေါင်းရင်းမြစ်များ

2 Samwelo 12:6

Mukulipila ulyeelete kwiilikawo shone pamwanaambelele mwanakashi uyo ceebo cakucita cintu ca mushobo uyo akubula nkumbu.”

Kulonga 21:36

Sombi na cilishibikitwe ayi mucende uyo ulishibite kuyasoola babye, ono mufubi wakwe taakalinga kumucalila mucimpati, ulyeelete kulipila mucende muumi kumubye, akucaasha mucende uyo wafwa.

Tushimpi 14:4

Kutaaku basune, bweenshi mbuniini, sombi kuli ŋombe, shitebulwa shilafula.

Tushimpi 6:31

Nakubi boobo na wacatwa, ulalipilishikwa ico ncaaipa kucifusha mankanda osanwe aobilo, nabi cilaamba ayi nkulipila buboni boonse bwa muŋanda yakwe.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Esekelo 33:15

nkokwaamba ayi na wapilusha cintu ncaakacatila shinkongole, wapilusha nshaakeepa, wakonkela milasho iyo ipa buumi alimwi akuleka kubisha, ndushinisho muntu uyo ulaakuba abuumi. Teshi akafweewo, sobwe.

Shakubelenga 5:7

Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha.

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”