Kulonga 20:7 - Baibo Busansulushi Bwa Libuku Ili

⁷ “Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 20:7 ပူးပေါင်းရင်းမြစ်များ

Matalikilo 27:20

Isaki wakeepusha ayi, “Ino waicana buyani bwaangu, omwanaangu?” Jakobo wakakumbula ayi, “Mwaami Lesa, Lesa wanu wancafwa kwaamba ayi njicaane bwaangu.”

1 Baami 2:9

Sombi utakamulekibo. Ulishi cakucita, ulyeelete kubona ayi uyu muntu wacaikwa.”

2 Baami 5:20

Geyasi musebenshi wakwe Elisha wakalyaamboosha ayi, “Mwaami wangu waleka Naamani waya cakutalipilaawo nabi kaniini! Mbubo neenga watambula shalinga shabenga mwine Silya ulya. Bweenka mbocibete lushinisho ayi Mwaami Lesa ngumuumi, mbweeke ubo ntoomukonkela nje mbweseeko nakaceyi.”

Kulumbaisha 139:20

Balamba shintu shibiibi pali ndimwe. Ee, balaamba shibiibi kubisha liina lyanu.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Jelemiya 34:16

Sombi bulya mwasandula miyeeyo yanu akucobola liina lyangu. Noonse mwakaboosha basha abo mbomwakaangulula kweelana ambobakalinga kulila. Ncakwiila mwakabakakatisha kuba basha alimwi.”

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Esekelo 39:7

“ ‘Kuswawaawo ndaakulengesha liina lyanu lisalalite kwishibwa pakati ka bantu bangu. Teshi nkasuminishe tubili liina lyangu lisalalite kusebaana. Lyalo mishobo imwi ndyeshi ikeshibe ayi nebo neMwaami Lesa ndi Usalalite wa bene Isilaeli.’

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

2 Bene Kolinto 1:23

Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Jemusi 5:12

Bunene bunene nobamakwesu, pakushomesha cimwi cintu mutanoolumbila kwiculu nabi cishi ca panshi nabi pacintu cimwi cili coonse. Nkwaambabo ayi, “Ee” na ulyeelete kusumina nabi ayi, “Sobwe” na ulyeelete kukaka, kwaamba ayi Lesa atakamupi mulandu.

Joshuwa 2:12

Pacecino ciindi, ndamusenga ayi mushomeshe cakulumbila muliina lya Mwaami Lesa ayi mulaakunyumfwila nkumbu bamakwesu bweenka mbondamucitila, alimwi mumpe cishibilo cakwaamba ayi

Joshuwa 2:17

Abalo bakamwaambila ayi, “Tulaakucita kweelana ambotwashomesha cakulumbila.

Joshuwa 9:20

Ono mbweshi tucite kuli mbabo mbulya. Teshi tubacaaye kwaamba ayi bukali bwakwe Lesa butakabi pali ndiswe ceebo cakutacita kweelana ambotwakashomesha cakulumbila.