Kulonga 20:5 - Baibo Busansulushi Bwa Libuku Ili

⁵ Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 20:5 ပူးပေါင်းရင်းမြစ်များ

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

2 Samwelo 21:6

Aboobo amutupe bamulunyungu lwakwe basankwa bali bosanwe abobilo tuye tukabacaaye pameenso a Mwaami Lesa kuGibiya, ndabala yakwe Saulo, mwaami uyo Mwaami Lesa mwiine ngwaakasala.” Mpomunyaawo mwaami Defedi wakakumbula ayi, “Ncibotu, ntoobaaba mumaansaanu.”

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

2 Baami 17:35

Mwaami Lesa wakapanga cipangano ambabo akubaambila ayi, “Mutanoolambila balesa bamwi, kubafukamina, kubasebensela nabi kubenga milambu kuli mbabo.

2 Baami 17:41

Ncakwiila bantu abo bakalinga kulambila Mwaami Lesa, sombi bakatolelela akulambila shibumbwabumbwa shabo. Ono kushikila abobulya bamulunyungu lwabo bacicita bweenka ubo.

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

2 Baami 5:18

Mwaami Lesa anoondekelela na ndashindikila baami bangu kuŋanda yakwe Limoni, lesa wa bene Silya mukumulambila. Ncakwiila Mwaami Lesa ulaakundekelela!”

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

2 Makani 25:14

Amasiya ndyaakaboola kuswa mukucayoola bene Edomu, wakaletelela ashibumbwabumbwa shabo. Mpeeke wakashiimikeemika ayi shibe balesa bakwe washifukamina akushitentela milambu.

2 Makani 7:19

Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,

Jobo 21:19

“Ono mulaamba ayi, ‘Lesa ulapa mulandu mwaana ceebo ca shibiibi sha mushali wakwe.’ Sobwe, aape mulandu bamucita shibi beene kwaamba ayi beshibe ayi nceebo ca shibiibi shabo.

Jobo 5:4

Bana bakwe tabacite shikubafuna, balalyatililwa munkuta ceebo taaku aubacafwa.

Kulumbaisha 109:14

Mwaami Lesa akeebaluke shibiibi sha bamashali babo bakulukulu alimwi atakalekeleliiwo shibiibi sha banyina.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Kulumbaisha 79:8

Mutatupi milandu ceebo ca shibiibi shakacita bamashali besu bakulukulu. Amutunyumfwile nkumbu cakutacelwa. Twabula mbotucita pacikani ici.

Kulumbaisha 81:15

Uyo woonse umpatite inga wafukama caboowa pameenso angu. Mulandu wabo inga watolelela kwalyoonse alyoonse.

Kulonga 23:24

Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

Kulonga 34:14

“Tamweelete kulambila lesa umwi, ceebo nebo neMwaami Lesa, ndishibusuba.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Isaya 44:15

Amubone, muntu kucisamu comwi ulakushaako musampi umwi ayi ndukuni, umwi ulakunkisha mulilo ayi ayote alimwi akupangisha shinkwa. Awalo musampi umwi nkubesaamo lesa kwaamba ayi anoolambila, ee, cibumbwabumbwa ayi anoocifukamina.

Isaya 44:19

Ncakwiila shikubesa shibumbwabumbwa taaciteewo kalango nabi maano a kwishiba ayi misampi imwi ndakakunkisha mulilo. Pamakalangasha ndakapangilawo shinkwa akuyokelawo nyama ndalya. Misampi imwi yoonse yakacaala ndakeebesesha cibumbwabumbwa. Ono mbulya ntoofukamina cipansha ca cisamu!

Jelemiya 2:9

Ono Mwaami Lesa waamba ayi, “Mwebo ntoomupa mulandu alimwi. Abalo bamulunyungu lwa bana banu ndaakubapa mulandu bweenka mbuli ndimwe.

Jelemiya 32:18

Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Esekelo 18:19

“Nakubi boobo muleepusha ayi, ‘Ceebonshi mwaana ncaatakonshi kupengela shibiibi sha baishi?’ Kukumbula nkwakwaamba ayi mwaana wakacita shintu shakutanyengelela ashiluleme alimwi akulama kabotu milasho yangu yoonse. Ndushinisho lakwe ulaakuba abuumi.

Esekelo 18:2

“Anu mwebo nobantu mulaambanshi ndyemwaamba kashimpi aka pacishi ca Isilaeli? ‘Minyansa isasamwita yalya bamashali, ilashiya kusasamwita kwa njiyo mumilomo ya bana babo.’

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Esekelo 39:25

Mwaami Lesa Shinkusu shoonse wakaamba ayi, “Ono bulya ndaakuboosha bamulunyungu lwakwe Jakobo kuswa mubusha. Ncakwiila ndaakufwita nkumbu bantu bangu bene Isilaeli boonse. Liina lyangu lisalalite ndaakulitabilila.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 3:18

Nabi wabula kucita boobo, nobaami mulyeelete kwishiba ayi teshi tukasebenselewo balesa banu nabi kulambila cibumbwabumbwa ca golodi ncemwakeemika.”

Bene Lefi 20:5

nebo nemwiine ndaakumwaalukila abamuŋanda yakwe boonse, alimwi abaabo boonse beenga babula kushomeka kuli ndime kwiinda mukulambila Moleki. Teshi nkanoocibayeeyela kuba bantu bangu.

Bene Lefi 26:1

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

Bene Lefi 26:29

Mulaakunyumfwa nsala inene abuumbi cakwaamba ayi mulaakunoolya bana banu.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Shakubelenga 14:33

Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.

Shakubelenga 25:11

“Mukwiinga wa ceeco cacita Fineyasi mwanaakwe Eliyasa alimwi mushikulu wakwe Aloni mupailishi, bukali bwangu pabene Isilaeli bwamana. Lakwe taakwe kusuminisha muntu uli woonse kulambila Lesa umwi, sombibo ndime. Aboobo nceceeco ncentakwe kunyonyweeta bene Isilaeli ceebo ca bukali bwangu.

Mateyo 4:9

akumwaambila ayi, “Inga ndakupa malelo oonse aya na wafukama akunambila.”

Joni 15:18

“Na bantu bamucishi bakamupaate, mukashibe ayi bakataanguna kupata ndime.

Joni 7:7

Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

Joni 9:2

Bashikwiiya bakwe bakamwiipusha ayi, “Bafundishi, ngani wakabisha kwaamba ayi musankwa uyu ashalwe kaali moofu? Sa ngumwiine na mbashali bakwe?”

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Dutolonomi 5:10

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 6:15

Na mukalambile balesa bamwi, bukali bwa Mwaami Lesa bulaakwisa pali ndimwe mbuli mulilo akumunyonyoola noonse cakumaninina mukwiinga Mwaami Lesa, Lesa wanu uyo ngomuli akwe ngushibusuba kubaabo balambila balesa bamwi.

Dutolonomi 7:10

Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

Joshuwa 23:16

Na mukabule kulama cipangano ca Mwaami Lesa ico Mwaami Lesa mwiine ncaakamwaambila ayi mulame, akutalika kusebensela balesa bamwi akubalambila, Mwaami Lesa ulaakukalala akumupa mulandu, cakwaamba ayi mulaakumanamobo lyeeli mucishi cibotu cino ncaakamupa.”

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.

Boomboloshi 2:19

Lyalo na moomboloshi uyo wafwa, bakalinga kuboolela kumicito yabo ikulukulu akunoobisha kwiinda bamashali babo bakulukulu. Nkokwaamba ayi bakalinga kulambila akusebensela balesa beensu. Ncakwiila bakakakatila munshila shabo shibiibi mubushicimpamya bwabo.