Kulonga 20:2 - Baibo Busansulushi Bwa Libuku Ili

² “Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Kulonga 20:2 ပူးပေါင်းရင်းမြစ်များ

1 Baami 18:39

Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”

2 Baami 17:12

Munshila iyo tabakwe kunyumfwila mulasho wa Mwaami Lesa wakwaamba ayi, “Tamweelete kulambila shibumbwabumbwa.”

2 Baami 17:7

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo uyo wakabafuna kumwaami wa bene Ijipiti akubakusha mubusha. Bakalinga kulambila balesa bamwi,

2 Makani 28:5

Mpeeke Mwaami Lesa, Lesa wakwe wakamwaaba mumaansa a bene Silya mukwiinga wakabisha. Bene Silya bakamukoma akutola busha bantu bakwe baanji kuDamasikasi. Mwaami Lesa wakamwaaba amumaansa a mwaami wa bene Isilaeli uyo wakacaya bashilumamba bakwe baanji.

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Kulumbaisha 81:10

Ndime Mwaami Lesa, Lesa wanu nendakamukusha mucishi ca Ijipiti. Amulakame nebo ndaakumulisha.

Kulumbaisha 81:11

“Sombi bantu bangu tabakwe kunkutika. Ncakwiila bene Isilaeli tabakwe kunyumfwila.

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 20:1

Lesa wakaambila Mose maswi aya akwaamba ayi,

Kulonga 29:46

Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Jelemiya 16:14

Lyalo Mwaami Lesa waamba ayi, “Nakubi boobo nshiku shilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 31:1

Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 34:13

Lesa wa bene Isilaeli wakandwiita kwaambila bantu ayi, “Ndakapanga cipangano abamashali banu bakulukulu ndindakabakusha mubusha mucishi ca Ijipiti. Paciindi ico ndakabalwiita ayi

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Esekelo 20:5

Ubaambile ayi nebo neMwaami Lesa Shinkusu shoonse ndaamba ayi, ‘Bushiku mbondakasala bene Isilaeli, ndakashomesha cakulumbila alyaansa litambikitwe mwiculu kubamulunyungu lwakwe Jakobo akuliyubulula kuli mbabo muIjipiti. Kaantambikite lyaansa mwiculu, ndakabaambila ayi, ndi Mwaami Lesa, Lesa wanu.

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Osiya 12:10

“Ndakabandika abalaluki akubapa shili anga nshiloto shiinji. Kwiinda muli mbabo, ndakalinga kumucenjesha nobantu bangu.

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Bene Lefi 11:45

Nebo ndime Mwaami Lesa wakamukusha mucishi ca Ijipiti kwaamba ayi nkabe Lesa wanu. Mulyeelete kunoosalalite mukwiinga nebo ndisalalite.

Bene Lefi 19:36

Kamusebensesha shipimo sheelete. Nebo ndime Mwaami Lesa, Lesa wanu uyo wakamukusha mucishi ca Ijipiti.

Bene Lefi 23:43

kwaamba ayi bamulunyungu lwanu beshibe ayi nebo neMwaami Lesa ndakalengesha bene Isilaeli kwikala mushimpaka ndindakabakusha mucishi ca Ijipiti. Nebo ndime Mwaami Lesa, Lesa wanu.”

Bene Lefi 25:38

Uyu ngumulawo kuswa kuli ndime neMwaami Lesa wanu, uyo wakamukusha mucishi ca Ijipiti ayi akamupe cishi ca Kenani alimwi akuba Lesa wanu.

Bene Lefi 25:42

Anu bene Isilaeli mbasha bangu neMwaami Lesa, nebo nendakabakusha mucishi ca Ijipiti. Paceebo ceeci tabeelete kuulishikwa ayi babe basha.

Bene Lefi 25:55

mukwiinga bene Isilaeli mbasha bangu neMwaami Lesa. Ndime ndakabakusha mucishi ca Ijipiti alimwi ndi Mwaami Lesa, Lesa wabo.”

Bene Lefi 26:1

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Bene Loma 10:12

Taapu bupusano pabaJuda abaswamashi bakunsengwe mukwiinga Lesa womwi uyo ngoMwaami wabo boonse alimwi ulapa shoolwe boonse abo bamusenga.

Bene Loma 3:29

Sa Lesa ngwa baJudabo beenka? Sa teshi wa baswamashi bakunsengwe abalo? Ee, nguLesa wa baswamashi bakunsengwe abalo.

Dutolonomi 13:10

Mumuume mabwe kushikila afwe, mukwiinga walinga kusuni kumukusha kuMwaami Lesa, Lesa wanu, uyo wakamukusha mucishi ca Ijipiti umo momwakalinga basha.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Boomboloshi 2:1

Mpeeke munjelo wa Mwaami Lesa wakaswa kuGilugala akuya kuBokimu uko nkwaakaya mukwaambila bene Isilaeli ayi, “Ndakamukusha kuIjipiti akumuleta mucishi ncendakashomesha bamashali banu bakulukulu. Ndakaamba alimwi ayi, ‘Teshi nkapwaaye cipangano ncendakapanga amwebo.

Boomboloshi 6:10

Ndakamwaambila ayi, ‘Ndime Mwaami Lesa, Lesa wanu, mutakalambili balesa ba bene Amoli bene cishi umo momushiite.’ Sombi tamukwe kunyumfwila, sobwe.”