Kulonga 20:16 - Baibo Busansulushi Bwa Libuku Ili

¹⁶ “Utapi bukamboni bwakubeca pali shikamukobonyoko.

Kulonga 20:16 ပူးပေါင်းရင်းမြစ်များ

Kulumbaisha 15:3

Ngumuntu uyo utacite mulaka ubisha meena a babye, ee, ngooyo utacitili beshikamukobonyina shibiibi, nabi kwaamba makani akubeca pali mbabo.

Kulonga 23:1

“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.

Tushimpi 10:18

Muntu ushisa lupato lwakwe ngumubeshi. Uyo woonse ubekesha mubye ngumuluya.

Tushimpi 11:13

Muntu mufuyishi ulayubulula makani abushishi, sombi ushomeka, makani ayo taayubululiiwo.

Tushimpi 19:5

Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.

Tushimpi 25:18

Muntu upa bukamboni bwakubeca kumubye uli anga ninkoli, mupeeni nabi mufwi ukolete.

Bene Lefi 19:11

“Mutanokwiipa, kubeca nabi kuba shikucenjeeka.

Bene Lefi 19:16

Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

Mateyo 19:18

Lakwe wakeepusha ayi, “Njimilawonshi?” Jesu wakamukumbula ayi, “Utacaayi, utaciti bulale, uteepi, utapi bukamboni bwakubeca,

Luka 3:14

Abamwi bashilumamba bakamwiipusha ayi, “Ino swebo tucite buyani?” Wakabaambila ayi, “Mutapambi cintu ca muntu akubekesha milandu alimwi mulyeelete kusumina ayi ayo maali ngomutoofola ngaanji.”

Milimo ya Batumwi 6:13

Lyalo bakaleta bakamboni babeshi abo bakesa mukwaamba ayi, “Uyu muntu lyoonse ulaamba makani akucobola Ŋanda yakwe Lesa isalalite alimwi aMilawo yakwe Mose.

Bene Efeso 4:31

Aboobo mucileeke mfundilishi, kupatana alimwi akukalala. Tamweelete kukalooka nabi kutukana nabi kuba amiyeeyo ya lupato ya mishobo yoonse.

Dutolonomi 5:20

“ ‘Utabekeshi shikamukobonyoko.

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

2 Timoti 3:3

batacite lusuno, batalekelelani, beshikubekesha shikani, batalitibuki, bakali, batasuni shintu shibotu.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.