Kulonga 20:11 - Baibo Busansulushi Bwa Libuku Ili

¹¹ Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 20:11 ပူးပေါင်းရင်းမြစ်များ

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 1:31

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Kulonga 31:17

Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Kulonga 8:22

Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 48:13

Lwiimbi lwa cishi ca panshi ndakalupanga amaansaangu. Ndime ndakafungulula liculu kwaamba ayi likwane koonse. Na liculu nabi cishi ca panshi ndashiita shilesa mpomunyaawo kunembo lyangu.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 20:7

Ono pabushiku butaanshi bwa nsondo, nditwakabungana akulya mulalilo wa Mwaami, Paulo wakatalika kubashimikila Makani Abotu. Wakatolelela kushimikila kushikila pakati ka mashiku mukwiinga wakalinga kusuni kuswaako macuunsa.

Milimo ya Batumwi 4:24

Ono bashomi ndibakanyumfwa makani aya, boonse bakapailila pantu pomwi amoyo womwi ayi, “Nkambo Lesa, mwebo nomwakalenga kwiculu, cishi amilonga alimwi ashintu shoonse shiliimo.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.

Bene Ebulu 4:4

MuMalembo akwe Lesa, pamwi palaamba shabushiku bwasanu ashobilo ayi, “Lesa wakookesha pabushiku bwasanu ashobilo, kucileka milimo yoonse njaakalinga kucita.”

Ciyubululo 10:6

akulumbila muliina lyakwe Lesa muumi kwalyoonse alyoonse, wakalenga liculu, cishi ca panshi, lweenge alimwi ashintu shoonse shiliimo. Munjelo wakaamba ayi, “Ciindi ono camana!