Kulonga 2:3 - Baibo Busansulushi Bwa Libuku Ili

³ Sombi ndyaakabona ayi inga taatoleleli kumushisa, wakabwesa mutaanga wa matete akunanikamo manenekela kwaamba ayi maanshi atanoonjila. Lyalo wakabikamo mwaana akumushisa mumatete muloombe lwa mulonga.

Kulonga 2:3 ပူးပေါင်းရင်းမြစ်များ

Matalikilo 11:3

Mpeeke boonse bakaamba ayi, “Kamwisa tuume ncelwa akushitenta kabotu.” Bakasebensesha ncelwa kuteshi mabwe, bakalinga kuyakisha manenekela.

Matalikilo 14:10

Cinyika cilya cakalinga kuswitebo shikaanda mwakalinga kuswa manenekela. Aboobo mwaami wa muSodoma awa muGomola na beelesha kucica nkondo bakalinga kuwita mushikaanda isho, sombi bamaami bamwi botatwe bakacicila kutulundu.

Matalikilo 6:14

Lipangile bwaato bunene kuswa kushisamu shibotu. Upange shipinda mukati akushishingula manenekela mukati apansengwe.

Kulonga 1:22

Kuswawaawo mwaami Falawo wakapa bantu ba mucishi cakwe boonse mulawo wakwaamba ayi, “Mwaana musankwa washalwa woonse wa bene Ebulu mulyeelete kuya mukumuwaala muMulonga wa Nailo. Sombi baana banakashi nkubalekabo ayi bakule.”

Isaya 18:2

Kuswa kucishi ico kulatumwa bashinkombe mumaato a matete paMulonga wa Nailo. Ono amuboolele mwebo nobeshinkombe beenda cakufwambaana! Amutole nkombe kubantu balaamfu, bateshimite shikanda alimwi bantu baloondwa cishi coonse. Ee, kumushobo ucite beshinkusu, ncakwiila kucishi cibaanishitwe amilonga.

Isaya 19:6

Tulonga twakupanga tulaakunoonunka pakuya ciyuma. Tulonga toonse tulaakunooya ciyuma paniininiini muIjipiti tibili tukayuminine. Matete alimwi amambulwe alaakunyana.

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Mateyo 2:13

Ono basongo balya ndibakaswaako, munjelo wa Mwaami Lesa wakaboneka kuli Josefu muciloto akumwaambila ayi, “Nyamuka utole mwaana abanyina muye kuIjipiti. Mukekaale kweenka uko kushikila nkamwaambile ayi musweeko, mukwiinga Elodi utooyanda kucaya mwaana.”

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Milimo ya Batumwi 7:19

Mwaami uyo wakacenjeeka akupensha bantu besu ndyaakalinga kubakakatisha ayi banooshiya bakateta pansengwe lya maanda kwaamba ayi bafwe.