Kulonga 2:23 - Baibo Busansulushi Bwa Libuku Ili

²³ Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Kulonga 2:23 ပူးပေါင်းရင်းမြစ်များ

Matalikilo 16:11

Mpeeke munjelo wa Mwaami Lesa wakamwaambila alimwi ayi, “Ono bulya wamiita, ulaakuba amwaana musankwa, ulaakumutumba ayi Ishimaeli ceebo Lesa wanyumfwa mapensho ako.

Matalikilo 4:10

Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Neyemiya 9:9

“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.

Jobo 35:9

“Bantu na balyatililwa balatama. Balatamina umwi ayi abapulusheeko kubeshinkusu.

Kulumbaisha 102:1

NoBaami baLesa, amunyumfwe mupailo wangu, kulila kwangu kwakusenga lucafwo akushike kuli ndimwe.

Kulumbaisha 102:2

Mutamfutatili muciindi ndyeendi mumapensho, amuteye kutwi wanu kuli ndime. Na ndamulilila amufwambaane kunkumbula.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulonga 1:14

Bakayumya ceendo ca buumi bwabo kwiinda mukubasebensesha ncito iyumu abuumbi ya buyaki, alimwi aya mumyuunda yabo, cakutabanyumfwilawo nkumbu.

Kulonga 4:19

Mose ndyaakalinga kucili mucishi ca Midyani, Mwaami Lesa wakamwaambila ayi, “Boolela kucishi ca Ijipiti mukwiinga boonse abo bakalinga kusuni kukucaya bakamana kufwa.”

Kulonga 6:5

Ono matongooshi a bene Isilaeli abo bali mubusha kubene Ijipiti ndaanyumfwa. Aboobo ntooyanda kucita kweelana acipangano cangu.

Kulonga 6:9

Mose wakalwiita bene Isilaeli makani aya, sombi tabakwe kumunyumfwila, ceebo bakalinga kuungumene mumyoyo mukwiinga wa milimo iyumu ya busha njebakalinga kusebensa.

Kulonga 7:7

Paciindi ico ndibakaamba amwaami Falawo, Mose wakalinga kucite myaaka ili 80 lakwe Aloni wakalinga kucite myaaka ili 83.

Isaya 19:20

Shintu isho shilaakuba shitondesho kwaamba ayi Mwaami Lesa Shinkusu shoonse mwaali muIjipiti. Bushiku baakulyatililwa, na bakalilile Mwaami Lesa ayi abacaafwe, ncakwiila ulaakubatumina weshi akabafuune akubapulusha.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Shakubelenga 20:16

Mpeeke twakalilila Mwaami Lesa ayi atucaafwe. Wakanyumfwa kulila kwesu akutuma munjelo uyo wakatukusha mucishi ca Ijipiti. Ono bulya tuli kuKadeshi, ndabala iyo ili kumanyinsa a cishi canu.

Milimo ya Batumwi 7:30

“Ono ndipakeenda myaaka makumi one, munjelo wakaboneka kuli Mose mucikupu cakalinga kunyaka muluyanga, pafwaafwi aKalundu ka Sinayi.

Dutolonomi 24:15

Lyoonse kamumufolesha maali ngaasebensela lisuba kalitana kwipila mukwiinga ngumukandu, aboobo mpopali moyo. Na mwabula kumufolesha, inga walilila Mwaami Lesa ceebo ca ndimwe, mpeeke mulaakuba amulandu.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Boomboloshi 4:3

Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.

1 Samwelo 12:8

Jakobo abamuŋanda yakwe ndibakaya kuIjipiti alimwi bene Ijipiti ndibakabapensha, bamashali bakulukulu abo bakalilila Mwaami Lesa ayi abacaafwe. Lyalo wakatuma Mose aAloni abo bakabakusha muIjipiti akubakalika mucishi cino.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”