Kulonga 2:16 - Baibo Busansulushi Bwa Libuku Ili

¹⁶ Lyalo banakashi bosanwe abobilo bana bakwe Jetulo mupailishi wa kuMidyani, bakaya kumukalo uyo mukuteka maanshi ayi besushe mankubala kwaamba ayi mbelele alimwi ampongo sha baishiwabo shinwe.

Kulonga 2:16 ပူးပေါင်းရင်းမြစ်များ

Matalikilo 14:18

Lyalo Melikisedeki mwaami wa Salemu wakaleta shinkwa awaini. Melikisedeki wakalinga mupailishi munene wakwe Lesa wakwiculu Wiindaawo.

Matalikilo 24:11

Ndyaakashika wakalengesha ngamela isho koonaako pamukalo, pansengwe lya ndabala inene. Paciindi ico lisuba lyakookama, ono nceciindi banakashi ncebakalinga kwisa mukuteka maanshi.

Matalikilo 24:13

Mbulya ndi waano pamukalo banakashi bacikula bwangu ba mundabala inene iyi mpweshi banoosa mukuteka maanshi.

Matalikilo 29:2

Cakuteengashila wakashika pamukalo wakalinga mumuunda. Pakalinga amatanga otatwe a mbelele kashilete kushinguluka mukalo. Matanga aya akalinga kunwita pamukalo uyo weenka. Pamulomo wa mukalo uyo pakalinga libwe linene abuumbi.

Matalikilo 41:45

Falawo wakapa Josefu liina lya bwine Ijipiti ayi Safenati Paneya akumupa Asenati mwanaakwe Potifela, mupailishi wa kuEliopolisi, ayi eebe. Lyalo Josefu wakatalika kweenda mucishi coonse ca Ijipiti.

Kulonga 18:1

Ono mupongoshi wakwe Mose musankwa wiitwa ayi Jetulo, mupailishi wa mucishi ca Midyani, wakanyumfwa shoonse Mwaami Lesa nshaakacitila Mose alimwi abene Isilaeli ndyaakabatanjilila kubakusha mucishi ca Ijipiti.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 3:1

Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

1 Samwelo 9:11

Lyalo ndibakalinga kuya citanta kalundu pakalinga ndabala iyo, bakakumanya banakashi bacikula bwangu kabaswa ayi bakateke maanshi. Lyalo bakabeepusha ayi, “Sa shikubona mwaali mundabala?”