Kulonga 2:15 - Baibo Busansulushi Bwa Libuku Ili

¹⁵ Ono mwaami Falawo ndyaakanyumfwa cikani ici, wakalinga kusuni ayi acaye Mose, sombi Mose wakalobokela kucishi ca Midyani, uko nkwaakaya mukwikala pafwaafwi amukalo.

Kulonga 2:15 ပူးပေါင်းရင်းမြစ်များ

Matalikilo 24:11

Ndyaakashika wakalengesha ngamela isho koonaako pamukalo, pansengwe lya ndabala inene. Paciindi ico lisuba lyakookama, ono nceciindi banakashi ncebakalinga kwisa mukuteka maanshi.

Matalikilo 25:2

Muli wooyo wakashalilaamo Simulani, Jokishani, Medani, Midyani, Ishibaki alimwi aShuwa.

Matalikilo 25:4

Bana bakwe Midyani basankwa bakalinga Efa, Efeli, Anoki, Abida alimwi aEluda. Aba boonse bakalinga bamulunyungu lwakwe Ketula.

Matalikilo 29:2

Cakuteengashila wakashika pamukalo wakalinga mumuunda. Pakalinga amatanga otatwe a mbelele kashilete kushinguluka mukalo. Matanga aya akalinga kunwita pamukalo uyo weenka. Pamulomo wa mukalo uyo pakalinga libwe linene abuumbi.

1 Baami 11:18

Bakanyamuka kuswa kucishi ca Midyani kuya mukushika kuPalani, uko nkobakakumanya basankwa mbobakayaabo. Lyalo bakeenda kuya mukushika kuIjipiti akuya mukubonana aFalawo mwaami wa kuIjipiti. Mpeeke mwaami uyo wakapa Adadi musena wakwikalaamo, ŋanda alimwi ashakulya.

Kulonga 18:4

Wakaambaawo kale alimwi ayi, “Lesa uyo wakalinga kulambila bata wakancafwa alimwi akumpulusha mumaansa amwaami wa mucishi ca Ijipiti uyo wakalinga kusuni kuncaya.” Aboobo wakatumba mwanaakwe musankwa umwi ayi Eliyasa.

Kulonga 4:19

Mose ndyaakalinga kucili mucishi ca Midyani, Mwaami Lesa wakamwaambila ayi, “Boolela kucishi ca Ijipiti mukwiinga boonse abo bakalinga kusuni kukucaya bakamana kufwa.”

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Abakuku 3:7

Ndakabona bene Kushani kabaloonda alimwi abene Midyani kabatutuma.

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Joni 4:6

Uko nkokwakalinga amukalo wakwe Jakobo. Jesu wakalinga kulemete mukwiinga wa mushinso, aboobo wakekala kweela mukalo. Paciindi ico lisuba lyakalinga pakati ka mutwi.

Milimo ya Batumwi 7:29

Mose ndyaakanyumfwa boobo, wakacicila kuMidyani uko nkwaakashalila baana basankwa bobilo.

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.