Kulonga 2:11 - Baibo Busansulushi Bwa Libuku Ili

¹¹ Ono Mose ndyaakakula, wakaya mukufwakashisha bene Ebulunyina, akubona mbuli mbobakalinga kukakatishikwa kusebensa ncito iyumu. Wakabona amwine Ijipiti umwi kaauma mwine Ebulu womwi pakati ka bene mishaabo.

Kulonga 2:11 ပူးပေါင်းရင်းမြစ်များ

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Kulonga 5:14

Bene Ijipiti beshikusebensesha basha bakalinga kuuma bene Isilaeli mbobakasala beene ayi banoobona bashanyinaabo mbobatoosebensa. Bakalinga kubeepusha ayi, “Ceebonshi tamutokuuma mweelo wa ncelwa weenka wa lyoonse, ciilo nabi sunu?”

Kulonga 5:4

Sombi mwaami wakaambila Mose aAloni ayi, “Nciinshi ncemutooyeeya pakulengesha bantu ayi bacileeke ncito njebatoocita? Amuboole muye musebense!

Kulonga 5:5

Alimwi mwebo nobene Isilaeli mwafula abuumbi kwiinda bene Ijipiti. Ono mutooyanda kucileka akusebensa!”

Kulonga 5:9

Mwiindilishewo kusebensesha basankwa aba kwaamba ayi babule ciindi cakunookutika makani abubeshi.”

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.