Kulonga 19:6 - Baibo Busansulushi Bwa Libuku Ili

⁶ Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Kulonga 19:6 ပူးပေါင်းရင်းမြစ်များ

1 Baami 3:8

Mbulya ndi pakati ka bantu mbomwakasala ayi babe baanu, bantu abo baanji anga ngumuseese.

1 Baami 8:53

Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

1 Makani 17:22

Ncakwiila mwakalisalila bene Isilaeli ayi babe bantu banu kwalyoonse alimwi mwebo noBaami baLesa mwaba Lesa wabo.

Kulumbaisha 114:2

bene Juda bakaba bantu basalalite bakwe Lesa. Ee, bene Isilaeli bakaba bantu ba mubulelo bwakwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 22:31

“Mwebo muli bantu bangu, paceebo ceeci tamweelete kulya nyama ya cifubwa cili coonse cakacaikwa kubanyama bamuluundu. Sombi mulyeelete kwiipa bakabwa.

Kulonga 28:36

“Ukapange keela kapampamene ka golodi wiine wiine, akulembaawo ayi, ‘Wakabengwa kuMwaami Lesa.’

Isaya 43:4

Ndaakubenga mishobo yakabumbulu kwaambabo ayi mpulushe buumi bwanu. Ceebo mwebo kuli ndime muli cintu ca makwebo. Peculu lya waawo ndimusuni abuumbi alimwi ndamulemeka.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Isaya 66:21

Ndaakusaloolaamo bamwi kuba bapailishi abamwi kucita mulimo wa bene Lefi.” Mwaami Lesa waamba.

Jelemiya 13:11

Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Bene Lefi 19:2

“Lwiita bene Isilaeli boonse ayi babe bantu basalalite, ceebo nebo neMwaami Lesa wanu ndisalalite.

Bene Lefi 20:24

Sombi mwebo ndamulasha kumupa cishi ico muli bubile abulongo bubotu. Ncakwiila nebo ndaakumupa cishi ici. Nebo ndime Mwaami Lesa, Lesa wanu uyo wakamupatula kuswa pakati ka mishobo yoonse.

Bene Lefi 20:26

Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Bene Lefi 21:23

Sombi ceebo ca bulema mbwaacite, teelete kushika pafwaafwi acisani cisalalite cakushitilisha nabi kuya kucipaililo. Teelete kulengesha ayi shintu shisalalite ishi shikabule kunoosalalite mukwiinga ndime Mwaami Lesa uyo ushisalasha.”

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Agayi 2:5

Mutaloondi mukwiinga Mushimu wangu uli andimwe bweenka mbondakamushomesha ndindakamukusha mucishi ca Ijipiti. Nebo neMwaami Lesa Shinkusu shoonse ndaamba.’

Shakubelenga 16:3

Lyalo bakabungana kuli Mose aAloni akubaambila ayi, “Mweendilisha! Boonse bene Isilaeli mba Mwaami Lesa, alimwi Mwaami Lesa uli pakati kesu soonse. Ino nceebonshi webo Mose, walipa bunene kwiinda bantu ba Mwaami Lesa boonse?”

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

1 Bene Kolinto 3:17

Aboobo na muntu wanyonyoola Ŋanda yakwe Lesa alakwe Lesa ulaakumunyonyoola. Ceebo Ŋanda yakwe Lesa ilisalalite alimwi mwebo ndimwe Ŋanda iyo.

Dutolonomi 14:21

“Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

Dutolonomi 26:19

Ncakwiila washomesha ayi ulaakumusumpula kwiinda mishobo yoonse njaakalenga, amwebo mulaakunoomulumbaisha, akumulemeka. Anu mulaakuba bantu bakwe cancinencine kweelana ambwaakashomesha.”

Dutolonomi 28:9

“Na munoonyumfwila Mwaami Lesa, Lesa wanu akunoocita shoonse nshaamulwiita, ulaakulengesha ayi mukabe bantu bakwe basalalite, kweelana ambwaakashomesha.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

1 Bene Tesalonika 5:27

Muliina lya Mwaami Jesu ndamwaambila ayi nkalata iyi mwiibelenge kubashomi boonse.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.

Ciyubululo 20:6

Balicite coolwe alimwi balisalalite abo beshi bakataangune kubushikwa kuswa kubafu. Kuli mbabo, lufu lwabili talucite nkusu, sombi balaakuba bapailishi bakwe Lesa alimwi aKlistu. Lyalo balaakweendelesha pantu pomwi anguwe kwamyaaka ili cuulu.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”