Kulonga 19:5 - Baibo Busansulushi Bwa Libuku Ili

⁵ Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 19:5 ပူးပေါင်းရင်းမြစ်များ

Matalikilo 17:9

Lesa wakaambila Abulaamu ayi, “Awebo ulyeelete kusumina ayi ulaakulama cipangano cangu, pantu pomwi abamulunyungu lwako abo beshi bakabeeko kunembo.

1 Baami 8:53

Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

1 Makani 17:22

Ncakwiila mwakalisalila bene Isilaeli ayi babe bantu banu kwalyoonse alimwi mwebo noBaami baLesa mwaba Lesa wabo.

Jobo 41:11

Ngani ngondakabwesela cintu utoonsesa ayi mupilushishe? Shintu shoonse shili pacishi ca panshi nshaangu.

Jobo 41:3

Na wamucatisha boobo, sa inga wakukombelela ayi umunyumfwileko nkumbu? Sa inga wakukombelela aliswi libombu ayi umuleeke?

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 23:22

Sombi na mukanoomunyumfwila akucita shoonse nsheshi nkanoomulwiita, nebo ndaakulwana abalwani banu boonse.

Kulonga 24:7

Lyalo wakabwesa libuku lya cipangano umo mwakalinga kulembetwe milawo ya Mwaami Lesa, akwiibelengela bantu. Bantu bakaamba ayi, “Swebo tunanoonyumfwila Mwaami Lesa akucita shoonse nshaatulwiita.”

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Kulonga 8:22

Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Lwiimbo lwakwe Solomoni 8:12

Nebo ndi mwiine pamuunda wangu wa minyansa, ndicite nkusu shakuwaaba. Webo oSolomoni, maali a silifa ali cuulu ngaako, aalo maali a silifa ali myaanda yobilo ngabalimi abo.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 56:4

Mwaami Lesa waamba ayi, “Kubasankwa bakacaikwa lushalo balama bushiku bwakookesha bwa Cibelu, abo basala kucita sheesho shisangalasha alimwi batolelela kulama cipangano cangu,

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 13:11

Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Bene Lefi 20:24

Sombi mwebo ndamulasha kumupa cishi ico muli bubile abulongo bubotu. Ncakwiila nebo ndaakumupa cishi ici. Nebo ndime Mwaami Lesa, Lesa wanu uyo wakamupatula kuswa pakati ka mishobo yoonse.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Bene Kolinto 10:28

Sombi na umwi muntu wakwaambila ayi, “Cakulya ici cakalinga capekwa kushibumbwabumbwa,” utacili ceebo ca wooyo wakulwiita alimwi acakupenshekwa amoyo.

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

Dutolonomi 11:27

Na mukonkele milawo yoonse njendamupa sunu, citooba coolwe,

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 14:21

“Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

Dutolonomi 26:18

Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.

Dutolonomi 26:19

Ncakwiila washomesha ayi ulaakumusumpula kwiinda mishobo yoonse njaakalenga, amwebo mulaakunoomulumbaisha, akumulemeka. Anu mulaakuba bantu bakwe cancinencine kweelana ambwaakashomesha.”

Dutolonomi 28:1

“Na munoonyumfwila Mwaami Lesa, Lesa wanu alimwi akunookonkela kabotu milawo yakwe yoonse iyo njentoomupa sunu, ulaakumusumpula kwiinda mishobo yoonse ya mucishi ca panshi.

Dutolonomi 28:9

“Na munoonyumfwila Mwaami Lesa, Lesa wanu akunoocita shoonse nshaamulwiita, ulaakulengesha ayi mukabe bantu bakwe basalalite, kweelana ambwaakashomesha.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 5:2

PaKalundu ka Sinayi Mwaami Lesa, Lesa wesu wakapanga cipangano,

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Bene Ebulu 8:9

Teshi cikabe mbuli ceeco cakalinga pakati ka bamashali babo bakulukulu ndindakabatanjilila kuswa muIjipiti. Tabakwe kutolelela kucita kweelana ambotwakapangana, aboobo, ndakabasuula.

Joshuwa 24:24

Abalo bakamwaambila ayi, “Tunanoosebensela Mwaami Lesa akumunyumfwila.”

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.