Kulonga 19:14 - Baibo Busansulushi Bwa Libuku Ili

¹⁴ Lyalo Mose wakaseluka pakalundu akulwiita bantu ayi balibambile kulambila Lesa. Paceebo ceeci bakacapa shakufwala shabo,

Kulonga 19:14 ပူးပေါင်းရင်းမြစ်များ

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

1 Makani 15:12

Wakabaambila ayi, “Muli bamatanjilili ba shipani sha bene Lefi. Mwebo abene Lefinyinaanu amulisalashe kwaamba ayi mulete Libokoshi lya Cipangano ca Mwaami Lesa, Lesa wa bene Isilaeli pamusena ngondalibambila.

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Kulonga 19:13

Muntu uyo ulyeelete kucaikwa kumabwe nabi kumuyasa mifwi, taaku nabi womwi weelete kumucata. Ici cilyeelete kubantu alimwi abanyama boonse, boonse balyeelete kucaikwa. Sombi na lupeenga lukaliile, bantu boonse bakatante pakalundu.”

Kulonga 19:15

alimwi Mose wakabaambila ayi, “Isona mukanoolibambite alimwi bulya paciindi ici tamweelete kukumana abamakaanu.”

Shakubelenga 31:23

alimwi acintu cimwi cili coonse ceenga cabula kupya, cilyeelete kusalashikwa kwiinda mumulilo. Lyalo ndyeenga caba cisalalite. Sombi shoonse ishi shilyeelete kusalashikwa amaanshi akusalashisha pantu pomwi ashintu shoonse shitakonshi kubikwa mumulilo.

1 Samwelo 21:5

Defedi wakakumbula ayi, “Ee, tulalitalamusha kubalutundu lyoonsebo na tulicite lweendo naluceyi. Ono inga twabulilaanshi kulicata bulya mulweendo lusalalite mbuli loolu!”