Kulonga 18:4 - Baibo Busansulushi Bwa Libuku Ili

⁴ Wakaambaawo kale alimwi ayi, “Lesa uyo wakalinga kulambila bata wakancafwa alimwi akumpulusha mumaansa amwaami wa mucishi ca Ijipiti uyo wakalinga kusuni kuncaya.” Aboobo wakatumba mwanaakwe musankwa umwi ayi Eliyasa.

Kulonga 18:4 ပူးပေါင်းရင်းမြစ်များ

Matalikilo 49:25

NguLesa wa baiso ukucafwa, Lesa Shinkusu shoonse ukupa shoolwe, shoolwe sha mfula kuswa kwiculu, alimwi asha maanshi aanji eshi kuswa panshi. Ulakupa shoolwe shakuba aŋombe shiinji alimwi abaana baanji,

1 Makani 23:15

Mose wakashala baana basankwa bobilo, Geshomu alimwi aEliyesa.

1 Makani 23:17

Eliyesa wakashala mwana musankwa womwi, Leyabiya. Leyabiya wakalinga kucite bamulunyungu lwakwe baanji baanji.

Kulumbaisha 18:1

Ndimusuni noBaami baLesa bangu mwebo nomumpa nkusu.

Kulumbaisha 18:48

Kubalwani bangu ngoompulusha. Nobaami baLesa mulanengesha kukoma balwani bangu, ncakwiila mulamfuna kubantu bakali.

Kulumbaisha 34:4

Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Kulonga 10:28

Kuswawaawo mwaami Falawo wakaambila Mose ayi, “Swa waawa! Nshisuni kukubona lyobilo! Bushiku bwakukubona, bulaakuba ndolufu lwako!”

Kulonga 2:15

Ono mwaami Falawo ndyaakanyumfwa cikani ici, wakalinga kusuni ayi acaye Mose, sombi Mose wakalobokela kucishi ca Midyani, uko nkwaakaya mukwikala pafwaafwi amukalo.

Kulonga 2:22

Wakamushalila mwaana musankwa. Mpomunyaawo Mose wakayeeya mwiine ayi, “Nebo ndi muswamashi mucishi cino, aboobo mwanaangu uyu ntoomutumba ayi Geshomu.”

Kulonga 4:20

Mpeeke Mose wakanyamuna bakaakwe alimwi abana bakwe basankwa akubatantika pambongolo. Mpeeke wakanyamuka akuboolela kuIjipiti. Wakanyamuna ankooli iyo Lesa njaakamwaambila ayi atolelele.

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Milimo ya Batumwi 12:11

Mpomunyaawo Pita wakeshiba cakacitika akwaamba ayi, “Ono ndeshiiba calushinisho kwaamba ayi Mwaami Lesa ngowatuma munjelo ayi amfuune munkusu shakwe Elodi alimwi akushintu shoonse baJuda nshebalinga kusuni kucita pali ndime.”

Milimo ya Batumwi 7:29

Mose ndyaakanyumfwa boobo, wakacicila kuMidyani uko nkwaakashalila baana basankwa bobilo.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”