Kulonga 18:20 - Baibo Busansulushi Bwa Libuku Ili

²⁰ Ulyeelete kubeeisha milasho amilawo yakwe Lesa akubasansulwita mbuli mbobeelete kwikala alimwi anshebeelete kucita.

Kulonga 18:20 ပူးပေါင်းရင်းမြစ်များ

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Kulumbaisha 32:8

Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Kulonga 18:16

Na bantu bobilo batoopikishanya, balesa kuli ndime. Mpeeke anebo ndyeembona ululeme awabisha. Kuswawaawo ndabalwiita milasho alimwi amilawo yakwe Lesa.”

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Jelemiya 42:3

Amupaile ayi Mwaami Lesa, Lesa wanu atulwiite nkotweelete kuya ancotweelete kucita.”

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Maako 13:34

Cilibo anga ngumuntu uli palweendo lwakuswa paŋanda yakwe. Ulaashiya ncito shoonse mumaansa a basebenshi bakwe, womwi ancito yakwe, akulwiita shikulindilila pamulyango ayi alindilile.

Dutolonomi 1:18

Paciindi ceenka ico ndakamulwiita shimwi shoonse nshemwakalinga kweelete kucita.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Dutolonomi 5:27

Boolela webo Mose uye unyumfwe shoonse Mwaami Lesa, Lesa wesu nsheshi aambe. Wamana uboole use utulwiite sheshi aambe. Tulaakukutika akukonkela.’

Dutolonomi 7:11

Anu mubikeeko maano kukonkela milawo amilasho yoonse njendamupa sunu.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.