Kulonga 18:12 - Baibo Busansulushi Bwa Libuku Ili

¹² Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 18:12 ပူးပေါင်းရင်းမြစ်များ

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 26:25

Isaki wakayaka cipaililo apo akulambila Mwaami Lesa. Lyalo wakayaka musumba apo, mpeeke basebenshi bakwe bakakaba aumwi mukalo.

Matalikilo 26:30

Isaki wakabamba shakulya kwaamba ayi basekelele, lyalo bakalya akunwa.

Matalikilo 31:54

Wakacaya munyama uyo ngwakabenga ayi ngumulambu pakalundu akwiita bantu bakwe kwaamba ayi balye. Ndyebakamana kulya, bakoona pakalundu.

Matalikilo 4:4

Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

Matalikilo 43:25

Shipo shabo bakashibambilabo limwi kupa Josefu, ceebo bakalwiitikwa ayi balyeelete kulya anguwe malumwi.

Matalikilo 8:20

Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

2 Samwelo 9:7

Defedi wakaamba ayi, “Utaloondi mukwiinga ndushinisho ndyeelete kukutondesha nkumbu ceebo ca baiso baJonasani. Ndakubooshesha luundu loonse lwakalinga lwa bankambiyako baSaulo alimwi ulaakunoolya tebulu yomwi anebo.”

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Jobo 42:11

Lyalo bamakwabo, bamanankashi shakwe abaabo mbaakalinga kunyumfwanaabo kalekale bakaya mukulita kuŋanda yakwe mukumuumbulusha akumusangalasha pamapensho ayo Mwaami Lesa ngaakaleta pali nguwe. Womwi awomwi wakamupa maali a silifa alimwi aninga ya golodi.

Jobo 42:8

Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

Kulonga 18:13

Pabushiku bwakaboolaawo, Mose wakalinga koombolosha bantu abo bakalinga kucite milandu. Aboobo wakasebensa kuswa macuunsa kushikila amacolesha.

Kulonga 2:16

Lyalo banakashi bosanwe abobilo bana bakwe Jetulo mupailishi wa kuMidyani, bakaya kumukalo uyo mukuteka maanshi ayi besushe mankubala kwaamba ayi mbelele alimwi ampongo sha baishiwabo shinwe.

Kulonga 2:20

Ishiwabo wakeepusha bana bakwe banakashi ayi, “Ino musankwa uyo uli kuli? Ino mwamushiilanshi? Kamuya mukamwiite, ese tulyaakwe.”

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Kulonga 24:11

Lesa taakwe kucisawo bamatanjilili ba bene Isilaeli abo. Lesa bakamubona, lyalo bamatanjilili abo bakalya akunwita pantu pomwi.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Kulonga 3:1

Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

Kulonga 33:7

Ono lyoonse na bene Isilaeli batooyaka misumba, Mose wakalinga kuyaka Tente isalalite pamusena utalamukite amisumba. Yakalinga kwiitwa ayi “Tente ya Cipangano.” Na kuli muntu usuni kwiipusha kuMwaami Lesa, wakalinga kuya nkomunya uko.

Danyelo 10:3

Nshikwe kulyawo shakulya shibotu nabi kulyawo nyama nabi kunwawo waini nabi kunanawo mafuta kushikila nsondo shotatwe ndishakeenda.

Shakubelenga 10:29

Mpomunyaawo Mose wakaambila Obabu mwanaakwe Luwelo mwine Midyani mupongoshi wakwe ayi, “Tuli pafwaafwi kuya kumusena uyo Mwaami Lesa ngweshi akatupe. Wakalasha kubilisha bene Isilaeli, anu kosa tuye soonse, alimwi tulaakubilila pantu pomwi awebo.”

Luka 14:1

Bumwi bushiku bwakookesha bwa Cibelu Jesu wakeetwa kuya mukulya kuŋanda ya umwi munene wa baFalisi. Mpeeke baFalisi bakalinga kumulangishisha.

Luka 14:15

Mpeeke womwi pabaabo Jesu mbaakalinga kulyaabo, ndyaakanyumfwa makani aya, wakaambila Jesu ayi, “Ulicite coolwe uyo eshi akacanike akulya pakusekelela muBweene bwakwe Lesa!”

1 Bene Kolinto 10:18

Amuyeeye bucita bene Isilaeli, abo balyaako shipo shipekwa kuli Lesa pacipaililo. Sa tababi lubasu mukulambila Lesa?

1 Bene Kolinto 10:21

Tamukoonshi kunwita munkomeshi ya Mwaami Jesu aya bashikaswa. Ncakwiila tamukoonshi kulita patebulu ya Mwaami alimwi aya bashikaswa.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 27:7

Nkomunya uko nkomweelete kubengela amilambu ya bwanabwankashi, mukanokwiilya akusangalala kunembo lya Mwaami Lesa, Lesa wanu.