Kulonga 18:10 - Baibo Busansulushi Bwa Libuku Ili

¹⁰ akwaamba ayi, “Aalumbaishikwe Mwaami Lesa uyo wakamupulusha mumaansa a mwaami Falawo alimwi abene Ijipiti! Aalumbaishikwe Mwaami Lesa uyo wakapulusha bantu bakwe mubusha!

Kulonga 18:10 ပူးပေါင်းရင်းမြစ်များ

Matalikilo 14:20

Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.

Matalikilo 24:27

Lyalo wakaamba ayi, “Aalumbwe Mwaami Lesa, Lesa wa baami bangu baAbulaamu, abo bashomeka akucita kweelana ambobakabashomesha. Mwaami Lesa wantanjilila akundulika kubeshikamukowa ba baami bangu.”

2 Samwelo 18:28

Lyalo Ayimaasi wakoolobesha ayi, “Shintu sheendabo kabotu!” Mpeeke wakafukamina mwaami cakushisha ciwa panshi akwaamba ayi, “Aalumbwe Mwaami Lesa, Lesa wanu! Wamupulusha kuswa kubaabo boonse bakabukila ndimwe nkambo nobaami bangu!”

1 Baami 8:15

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

1 Baami 8:56

“Aalumbaishikwe Mwaami Lesa uyo wakalengesha luumuno pabantu bakwe kweelana ambwaakashomesha. Wacita kweelana akushomesha kwakwe koonse uko nkwaakashiya kwiinda muli Mose musebenshi wakwe.

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

1 Bene Tesalonika 3:9

Bulya ceebo canu tulakonsha kulumba Lesa. Twamulumba ceebo cakusangalala nkotucite pameenso akwe ceebo canu.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Samwelo 15:6

Mpeeke wakacenjesha bene Keni ayi, “Amusweemo mushiye bene Amaleki kwaamba ayi ntamunyonyweeti kumwi. Mukwiinga mwebo mwakanyumfila nkumbu bene Isilaeli paciindi ndibakalinga kuswa kuIjipiti.” Aboobo bene Keni bakashiya bene Amaleki.

1 Samwelo 25:32

Mpomunyaawo Defedi wakaambila Abigelo ayi, “Aalumbwe Mwaami Lesa, Lesa wa bene Isilaeli uyo walengesha ayi tubonane sunu.