Kulonga 17:6 - Baibo Busansulushi Bwa Libuku Ili

⁶ Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.

Kulonga 17:6 ပူးပေါင်းရင်းမြစ်များ

Neyemiya 9:15

“Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.

Kulumbaisha 105:41

Wakacalula mwaandami, lyalo maanshi akaswa. Akakunka anga ngumulonga kuya muluyanga.

Kulumbaisha 114:8

Wakasandula myaandami kuba tushiba twa maanshi. Wakalinga mwaandami uyumu nta ngwaakasandula kuba tuntupu twa maanshi.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Kulumbaisha 74:15

Ndimwe mwakacalula tuntupu atulonga, ndimwe mwakayumya milonga inene ikunka.

Kulumbaisha 78:18

Bakasunka Lesa cakashanga, mukusenga shakulya nshebakalinga kusuni.

Kulumbaisha 78:20

Ndyaakooma pamwaandami maanshi akaswa, alimwi tulonga twakakunka abuumbi. Ono sa inga watupa cakulya bulya? Sa inga watupa anyama sobantu bakwe?”

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulonga 14:16

Tandabika nkoli yako palweenge. Maanshi atoopansaana, mpeeke bene Isilaeli batookonsha kweenda mulweenge mutaamu maanshi, muyumu nta.

Kulonga 16:10

Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi.

Isaya 48:21

Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.

Shakubelenga 20:8

“Bwesa nkoli iyo ili kunembo lya Libokoshi lya Cipangano, ono webo aAloni mubunganye bene Isilaeli boonse. Ono boonse kababweneeko, waambile mwaandami uli waalya, lyalo mutooswa maanshi. Munshila iyi utoolengesha ayi maanshi aswe mumwaandami ayi bene Isilaeli boonse alimwi ashifubwa shabo shinwe.”

Joni 4:10

Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

1 Bene Kolinto 10:4

akunwa cakunwa comwi ca mushimu ceebo bakalinga kunwa maanshi akalinga kuswa mumwaandami wa mushimu ngobakalinga kweendaawo. Mwaandami uyo wakalinga nguKlistu.

Dutolonomi 1:2

Mushinso uli kuswa kuSinayi kushika kuKadeshi Baniya kwiinda ya Kalundu ka Siya, wakalinga kutola nshiku likumi abomwi.

Dutolonomi 8:15

Wakamutanjilila muluyanga lunene alimwi luyoosha lulya, muli nsoka shicite buyoka bucaya alimwi antalaŋongo. Mulya taamu maanshi, sombi wakalengesha maanshi kukunka kuswa mulibwe ceebo ca ndimwe.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.