Kulonga 17:4 - Baibo Busansulushi Bwa Libuku Ili

⁴ Mpeeke Mose wakapaila cakulilila Mwaami Lesa ayi, “Ino bantu aba ntoobacita buyani, mukwiinga balilibambite kunguma mabwe?”

Kulonga 17:4 ပူးပေါင်းရင်းမြစ်များ

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Kulonga 14:15

Mpomunyaawo Mwaami Lesa wakaambila Mose ayi, “Ceebonshi mutoolilila ndime? Balwiite bene Isilaeli banooyabo kunembo.

Kulonga 15:25

Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Shakubelenga 11:11

Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba?

Shakubelenga 14:10

Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.

Shakubelenga 16:19

Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene.

Joni 10:31

BaJuda bakabwesa mabwe alimwi kwaamba ayi baume Jesu.

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Milimo ya Batumwi 14:19

Lyalo kwakesa baJuda bamwi kuswa kuAntyoki mucishi ca Pisidya alimwi akuIkoniyamu. Bakayungoola bantu ayi banyumfwile mbabo akutalika kuuma Paulo mabwe. Kuswawaawo bakamukwelela pansengwe lya ndabala kabayeeya ayi wafwa.

Milimo ya Batumwi 7:50

Sa teshi ndime ndakalenga shintu shoonse ishi?’

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.