Kulonga 16:3 - Baibo Busansulushi Bwa Libuku Ili

³ kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”

Kulonga 16:3 ပူးပေါင်းရင်းမြစ်များ

2 Samwelo 18:33

Cikani ico mwaami Defedi cakamupula mumala abuumbi. Wakaya mucipinda cakalinga kunembo lya mwinjililo wa mukati akulila. Pakunooya moomo wakalinga kunooya caamba ayi, “Omwanaangu Abusalomu! Omwanaangu musankwa, Omwanaangu Abusalomu! Anu nikwafwabo ndime kuleka ndiwe Abusalomu, maawe mwanaangu, maawe mwanaangu!”

Jobo 3:1

Nshiku isho ndishakeenda, Jobo wakaamba akushingana bushiku mbwaakashalwa.

Jobo 3:10

Aashinganwe mashiku alya ceebo cakutankasha kushalwa. Ee, aashinganwe ceebo cakutankasha kushalwa ayi ntaboni mapensho aya.

Jobo 3:20

“Ceebonshi mumuni wa buumi ulashikila abali mumapensho? Ceebonshi buumi bulapekwa abaabo bali mubuumba?

Kulumbaisha 107:5

Bakanyumfwa nsala anyotwa, aboobo bakatalika kuwisooka.

Kulumbaisha 78:19

Bakalyamboosha kuli Lesa ayi, “Sa Lesa inga watupa cakulya muluyanga muno?

Kulumbaisha 78:25

Bantu bakalya shinkwa wa baanjelo. Lesa wakabapa shakulya shoonse nshebakalinga kusuni.

Kulonga 14:11

Bakaambila Mose ayi, “Sa mucishi ca Ijipiti temwakalinga shuumbwe? Sa wakatuletela kufwita momuno muluyanga? Bona ono nshewacita ceebo cakutukusha mucishi ca Ijipiti!

Kulonga 17:3

Sombi bantu bakanyumfwa nyotwa abuumbi, akutolelela kutongookela Mose. Bakamwaambila ayi, “Sa wakatukusha mucishi ca Ijipiti, akutuleta kokuno ayi utucaaye, bana besu alimwi ashifubwa shesu kunyotwa?”

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Kulonga 5:21

Lyalo bantu aba bakaambila Mose aAloni ayi, “Mwaami Lesa wabona shoonse nshemwacita. Aboobo utoomupa mulandu ceebo mwalengesha ayi mwaami Falawo alimwi abacinenenene bakwe batupaate. Mwalengesha ayi bacane nshila yakutucailaawo.”

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 42:14

na mwaambe ayi, ‘Sobwe, swebo tutooya kuIjipiti tuye tukekale uko nkweshi tukabule kubonawo nkondo, kunyumfwa lupeenga lwa nkondo nabi kufwa nsala,’

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Shakubelenga 11:15

Na mbweshi munooncita bulya, munyumfwile nkumbu akuncaya, kwaamba ayi ntakapengiwo lyobilo kubukali bwanu.”

Shakubelenga 11:20

sombi mweenshi wakabumbulu. Mulaakwiilya kushikila ikanoopulila amumatwi anu alimwi kushikila ikamuleemye. Ici cilaakucitika ceebo mwakaka Mwaami Lesa uyo ngomuli akwe pakati kanu, akutongooka kuli nguwe ayi naakwiinga tamuswikobo kucishi ca Ijipiti.’ ”

Shakubelenga 14:2

Bakalinga kutongookela Mose aAloni kabaamba ayi, “Nicakabota kufwita mucishi ca Ijipiti nabi momuno muluyanga!

Shakubelenga 14:3

Ino Mwaami Lesa utootutolelanshi mucishi ico? Swebo tulaakucaikwa munkondo, alimwi bamakeesu abana besu balaakucatwa. Sa inga taciboti kuboolelabo kucishi ca Ijipiti?”

Shakubelenga 16:13

Sa kutukusha mucishi ca Ijipiti umo mwakalinga bubile alimwi abulongo bubotu, akwisa mukutucaila muluyanga kwakuceyela? Ono ucisuni kuba mwaami wesu?

Shakubelenga 16:41

Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.”

Shakubelenga 21:5

akutalika kutongookela Lesa alimwi aMose. Bakaamba ayi, “Nciinshi ncemwakatukushisha mucishi ca Ijipiti ayi twise tufwite momuno muluyanga mutaamu shakulya nabi maanshi? Twalema kulya cakulya ici cibiibi!”

Milimo ya Batumwi 26:29

Paulo wakakumbula ayi, “Nabi mumaswi aniini nabi aanji, ndapaila kuli Lesa ayi mwebo alimwi abamwi boonse batoonyumfwa maswi aya sunu, inga baba bweenka mboombete, sombi kutaamba ayi mwaangwe ncetani ishi amwebo!”

1 Bene Kolinto 4:8

Sa nkokwaamba ayi mwaba kale ashintu shoonse shiyandika? Sa mwabila kale? Sa mwaba baami swebo katutana? Necabota nemwalinga baami cancinencine, naakwiinga tweendelesha pantu pomwi.

2 Bene Kolinto 11:1

Ndasenga kwaamba ayi mundekelele mubuluya bwangu. Ono amundekeleleeko!

Dutolonomi 28:67

Mukwiinga wa sheesho nsheshi mukanoobona, myoyo yanu ilaakunooswa. Na bwaca, mwebo mulaakunooyeeya ayi nikwashiya, alimwi na kwashiya ayi nikwaca bwaangu.

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

Joshuwa 7:7

Kuswawaawo Joshuwa wakaamba ayi, “NoBaami baLesa beshinkusu shoonse! Nciinshi ncemwakatusubushisha Mulonga wa Joodani? Ceebonshi mwatwaaba mumaansa a bene Amoli ayi batunyonyoole? Naakwiinga mwakatulekabo katushiite kwitala lya Joodani!