Kulonga 16:23 - Baibo Busansulushi Bwa Libuku Ili

²³ Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 16:23 ပူးပေါင်းရင်းမြစ်များ

Neyemiya 9:13

KuKalundu ka Sinayi mwakaseluka kuswa kwiculu akwaamba abantu banu. Mwakabapa milawo ibotu akwiisha kululeme.

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Kulonga 16:19

Lyalo Mose wakabaambila ayi, “Taaku muntu nabi womwi weelete kushiyaawo ayi shikashikweeko aciilo.”

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Kulonga 31:15

Mulicite nshiku shosanwe abomwi nshemweelete kusebensa milimo yanu, sombi bushiku bwasanu ashobilo, mbushiku bwangu ubo busalalite kuli ndime neMwaami Lesa. Uyo woonse weenga wasebensa mulimo uli woonse pabushiku ubo, ulyeelete kucaikwa.

Jelemiya 17:22

Tamweelete kukusha mukuli mumaandaanu nabi kusebensa ncito ili yoonse pabushiku bwakookesha bwa Cibelu. Sombi bushiku ubo mulyeelete kubusalasha kweelana ambondakaambila bamashali banu bakulukulu.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Shakubelenga 11:7

Mana aya akalinga kuboneka anga ninseke shiniini shiboneka anga ngumushobo wa cibobo utubulukite.

Shakubelenga 11:8

Bantu bakalinga kuya cibwesa macuunsa alimwi akupela nabi kutwa muncili. Mana ayo bakalinga kwaatelekabo nabi kupangaamo shili anga nshimaande. Mpeeke akalinga kunyumfwika anga ngushinkwa wakapangwa amafuta a olifi.

Luka 23:56

Kuswawaawo bakaboolela kuŋanda akuya mukubamba mafuta atununkila kabotu tumwi twakunanika mutuntu wakwe Jesu. Pabushiku bwakookesha bwa Cibelu, bakookesha kweelana aMilawo.

Dutolonomi 5:12

“ ‘Ingashila bushiku bwangu bwakookesha bwa Cibelu alimwi akubusalasha kweelana ambondakaamba nebo neMwaami Lesa, Lesa wanu.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.