Kulonga 15:9 - Baibo Busansulushi Bwa Libuku Ili

⁹ “Mpeeke mulwani wakaamba ayi, ‘Ntoobakonkela kushikila mbacaane. Ntoobaanya buboni bwabo, ntoobwesa shoonse nsheensuni. Ntookusha mupeeni wangu, ntoobanyonyoola alyaansa lyangu.’

Kulonga 15:9 ပူးပေါင်းရင်းမြစ်များ

Matalikilo 49:27

“Benjameni nguumpe mukali. Macuunsa amacolesha ulacaya akulya.”

2 Samwelo 22:38

Ndakalinga kutandaanya balwani bangu akubakoma. Nshindakalinga kuboolaako kushikila ndamana kubanyonyoola.

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 20:10

Lyalo Benadadi wakatuma aimwi nkombe kuli Aabu yakwaamba ayi, “Ntooleta bashilumamba baanji kwaamba ayi bese banyonyoole ndabala yanu inene akwiipelapela cakubabo lusuko. Balesa bangu bancaaye na mbule kucita cintu ici!”

Kulonga 14:5

Mwaami Falawo wa mucishi ca Ijipiti ndyaakanyumfwa ayi bene Isilaeli baloboka, lakwe alimwi abacinenenene bakwe bakayeeya miyeeyo imwi akwaamba ayi, “Ino twacitilanshi bobulya? Twaleka bene Isilaeli ayi baye, mbulya ono twabuula basha!”

Tushimpi 16:19

Ncintu cibotu kulibombya akuba mukandu kwiinda kuba womwi wa beshikulisumpula akunoobaanaabo shintu shakusaala.

Isaya 36:20

Ngani pabalesa ba mushishi ishi bakakonsha kufuna cishi cabo kuswa kumwaami wesu? Ono nciinshi ncemutooyeeyela ayi Mwaami Lesa inga wafuna Jelusalemu?”

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Jelemiya 46:17

“Lyalo balaakwaamba ayi, ‘Falawo mwaami wa bene Ijipiti ngushikulisumpulabo uyo wakasowa ciindi cakwe.’

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Luka 11:22

Sombi umwi umwiindaawo nkusu na wesa mukumulwana, wamukoma, ulamunyaya shakulwanisha shakwe nshaacinkitemo manungo akwaabanya bantu buboni ubo mbwaaipa.

Boomboloshi 5:30

‘Sa tabatokwaabana shintu nshibasaala? Sa te shilumamba womwi awomwi utoobwesa mwanakashi womwi nabi bobilo? Ee batoosalweeta Sisela shakufwala shibotu. Batoosaloola shakufwala shibotu shakaboteshekwa, shakufwala shibotu shakaboteshekwa sha munshingo yangu.’

1 Samwelo 30:8

Mpeeke Defedi wakeepusha Mwaami Lesa ayi, “Sa beshikusaala bacita bobulya mbakonkele? Sa ntoobeensha?” Mwaami Lesa wakakumbula ayi, “Ee, bakonkele, utoobeensha alimwi utoofuna bantu bako.”