Kulonga 15:7 - Baibo Busansulushi Bwa Libuku Ili

⁷ Mubulemu bwa bwaami bwanu, mulawisha balwani banu panshi. Ee bukali bwanu bulanyaka akubatenta anga mbwiisu buyumu.

Kulonga 15:7 ပူးပေါင်းရင်းမြစ်များ

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulumbaisha 148:13

Shoonse isho ashilumbaishe liina lya Mwaami Lesa ceebo liina lyakwe ndyeliinda pameena oonse. Bulemu bwakwe buleenda bwa shintu sha mucishi ca panshi asha kwiculu.

Kulumbaisha 59:13

amubanyonyoole mubukali bwanu. Mubanyonyoole kushikila balobelele. Lyalo bantu balaakwishiba ayi Lesa ngoolela pabamulunyungu lwakwe Jakobo pantu pomwi amishobo imwi yoonse ya pacishi ca panshi.

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

Kulumbaisha 83:13

NobaLesa, amubalengeshe kuba anga ndusuko, ncakwiila anga buungu buululuka kumuuwo.

Kulonga 14:27

Alakwe Mose wakatandabika lyaansa lyakwe palweenge, ono ndibwakaca, maanshi akakumana akuboola bweenka mbwaakalinga. Bene Ijipiti bakeelesha kusubuka mumaanshi, sombi Mwaami Lesa wakabapisha mumaanshi.

Kulonga 5:12

Aboobo bantu bakapalanganinamobo muIjipiti kuya ciyandoola bwiisu.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Isaya 37:17

Ono noBaami baLesa boomi, amutukutike akubona shintu shoonse shitoocitika kuli ndiswe. Amukutike shintu shoonse Senakelibu nshaatokwaamba mukumucobola mwebo nobaLesa boomi.

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 37:29

Ono ceebo cakwaamba ayi wancobola alimwi ndanyuumfwa shakubula bulemu kwako, ntoobika ndobo munshono yako alimwi anshimbi yangu mukanwa mwako. Lyalo ndaakukulengesha kuboola kumishaanu anshila yeenka njewakesitaamo.’ ”

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 37:38

Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

Isaya 47:14

“Bantu abo balaakubabo anga mbwiisu butyolookite. Aboobo mulilo ulaakubamana kubatenta. Tabakoonshi akulipulusha kuswa mumulilo utoonyaka. Ncakwiila tabakoonshi kulipulusha kuswa kunkusu sha mulilo. Makalangasha a nguwo teshi akulikasaasha, ee, teshi mulilo wakuya mukwikala pafwaafwi ayi uyote.

Isaya 5:16

Sombi Mwaami Lesa Shinkusu shoonse ulaakusumpulwa ceebo ca koombolosha cakutanyengelela kwakwe. Mubululami Lesa usalalite ulaakutondesha ayi ncakwiila ulisalalite.

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Jelemiya 10:6

Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Bene Ebulu 12:29

Mukwiinga Lesa wesu ncakwiila ngumulilo unyonyoola.