Kulonga 15:20 - Baibo Busansulushi Bwa Libuku Ili

²⁰ Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana.

Kulonga 15:20 ပူးပေါင်းရင်းမြစ်များ

Matalikilo 31:27

Wayeeyanshi kukweshemukabo kutanshibisha? Niwakandwiita naakwiinga washindikilwa cakusangalala, kwiimba alimwi akulishilwa misebe atulumbu.

2 Samwelo 1:20

“Cikani ici mutakashimikili bene Gati, nabi kucaambilisha mumikwakwa ya Ashikeloni, mukwiinga inga bakondwa balutundu bene Filisiti, ncakwiila inga basangalala balutundu abo bakunsengwe.

2 Samwelo 6:14

Mpeeke Defedi wakashana ankusu shakwe shoonse mukupa bulemu Mwaami Lesa, kaafwetebo nsalu iteshimite mubukome.

2 Samwelo 6:16

Ono Libokoshi lya Cipangano ca Mwaami Lesa ndilyakalinga kwinjishikwa muNdabala yakwe Defedi, Mikali mwanaakwe Saulo wakalinga kweebela pambwelyo. Lyalo ndyaakabona mwaami Defedi kaashana akusotooka mukulemeka Mwaami Lesa, wakamucima abuumbi mumoyo.

2 Samwelo 6:5

Defedi abene Isilaeli boonse bakalinga kusekelela cankusu shabo shoonse mukupa bulemu Mwaami Lesa. Bakalinga kwiimba, kulisha tulumbu tuniini atunene, misebe ipusenepusene alimwi atusenke twakulisha.

2 Baami 22:14

Lyalo Ilikiya, Ayikamu, Akibo, Shafani alimwi aAsaya bakaya mukwiipusha kuli Ulida, mulaluki mwanakashi wakalinga kwikala cipansha cipya ca Jelusalemu. Shalumu mwanaakwe Tikifwa mwishikulu wakwe Ayasi wakalinga ngoibaye. Shalumu wakalinga kulama shisani sha muŊanda yakwe Lesa. Mpeeke bakamulwiita isho shakacitika.

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 6:3

Amulamu wakashala baana bobilo, Aloni alimwi aMose. Wakashala amwaana mwanakashi Milyamu. Aloni wakashala baana bone, nkokwaamba ayi Nasabu, Abibu, Eliyasa alimwi aItama.

Neyemiya 6:14

Mpomunyaawo ndakapaila ayi, “NobaLesa bangu, amwiibaluke shakacita Tobiya aSanibalati akubapa mulandu. Amwiibaluke amulaluki mwanakashi Nowadiya pantu pomwi abalaluki bamwi abo bakalinga kusuni kunoondesha.”

Kulumbaisha 149:3

Abalumbaishe liina lyakwe uku kabashana, amulishe misebe atulumbu.

Kulumbaisha 150:4

Amumulumbaishe kamulisha amisebe uku kamushana. Amumulumbaishe kamulisha tulumbu amitoolilo.

Kulumbaisha 30:11

Mwakapilula kulila kwangu ayi kube kushana. Ncakwiila mwakankusha buumba akundetela kusangalala.

Kulumbaisha 68:11

Mwaami Lesa wakapa mulawo. Ono mbaanji bakatola cikani cakwaamba ayi,

Kulumbaisha 68:25

Bali kunembo mbeshikwiimba, pesule mbeshikulisha tulumbu ashimwi. Balo bali pantu pomwi abalutundu beshikulisha misebe.

Kulumbaisha 68:26

Aalumbaishikwe Lesa mulibungano linene. Aalumbaishikwe Mwaami Lesa mulibungano lya bene Isilaeli.

Kulumbaisha 81:2

Amutalike lwiimbo akulisha misebe, amulishe tulumbu tuniini atunene.

Kulonga 2:4

Nankashi wa mwaana uyo wakeemikana kulaale ayi abone ceshi cicitike kuli nguwe.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Shakubelenga 12:1

Ono Milyamu aAloni bakatalika kutongookela Mose ceebo wakeeba mwanakashi mwine Kushi.

Shakubelenga 12:2

Lyalo bakaamba ayi, “Sa Mwaami Lesa ulaambilabo muli Mose eenka? Sa taakwe kwaambilawo kale kwiinda muli ndiswe?” Mpomunyaawo Mwaami Lesa wakanyumfwa nshebakaamba.

Shakubelenga 20:1

Mumweenshi wakutaanguna bene Isilaeli boonse bakesa muluyanga lwa Sini akuyaka misumba kuKadeshi, uko kwakafwita Milyamu akubikwa.

Shakubelenga 26:59

uyo wakalinga kweebete mwanaakwe Lefi wiitwa ayi Jokebedi, wakashalilwa mucishi ca Ijipiti. Wakashalila Amulamu baana basankwa bobilo, Aloni aMose, kubikaawo amwanakashi womwi, Milyamu.

Luka 2:36

Kwakalinga mulaluki aumwi mwanakashi wiitwa ayi Ana. Wakalinga mwanaakwe Faniwelo wa mulunyungu lwakwe Asha. Wakalinga mucembele alimwi wakekala abeebaye myaaka yosanwe ayobilobo.

Milimo ya Batumwi 21:9

Wakalinga kucite baana banakashi bone bashike abo bakalinga balaluki.

1 Bene Kolinto 11:5

Alakwe mwanakashi upaila nabi ushimikila maswi akwe Lesa mucoonde kwakubula cakufwala kumutwi ulasebaanya ibaye. Cilyeelene amwanakashi wakaceswa munkunyu.

1 Bene Kolinto 14:34

banakashi balyeelete kuumuna muciindi ca kulambila. Tabasuminishikwi kwaamba alimwi bweenka bwaamba Milawo ya baJuda, tabeelete kweendelesha.

Boomboloshi 11:34

Jefuta ndyaakaboolela kumishaabo kuMisipa, mwanaakwe mwanakashi wakaswa muŋanda akumucinsha kunshila keesa bushana akulisha musebe. Uyo wakalinga ngomwaana eenka ngobakalinga kucitebo.

Boomboloshi 21:21

akulindilila. Ono na bamyooye ba kuShilo bese mukushana pakusekelela, muyubuluke cakufwambaana mumyuunda ya minyansa akulicatila mwanakashi wa kuShilo akumutola kucishi canu.

Boomboloshi 4:4

Muciindi ico Debola mulaluki mukaakwe Lapidoti ngowakalinga moomboloshi wa bene Isilaeli.

1 Samwelo 10:5

Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.

1 Samwelo 18:6

Bashilumamba ndibakalinga kuboola, Defedi ndyaakaswa mukucaya Golyati, balutundu bakesa kuswa mumandabala oonse a mucishi ca Isilaeli bakesa mukutambula mwaami Saulo. Bakalinga kwiimba nyimbo shakusangalala, kushana, kulisha misebe alimwi ashakulisha shimwi.