Kulonga 14:4 - Baibo Busansulushi Bwa Libuku Ili

⁴ Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 14:4 ပူးပေါင်းရင်းမြစ်များ

Neyemiya 9:10

Mwakacita shaankamiko kuli Falawo mwaami wa bene Ijipiti, bacinenenene bakwe akubantu ba mucishi cakwe coonse ceebo mwakalinga kwishi mbuli mbobakalinga kulyatilila bantu banu. Aboobo liina lyanu lyakaya mpuwo bweenka mbuli mboliyiite asunu.

Kulonga 10:2

Alimwi ndalengesha kuba beshicimpamya kwaamba ayi mukalwiite kabotu bana banu alimwi abamashikulu banu mbuli bene Ijipiti mbobakaboneka buluya kwiinda mushaankamiko shendakacita. Mpeeke mwebo noonse mulaakwishiba ayi ndime Mwaami Lesa.”

Kulonga 10:27

Sombi Mwaami Lesa wakalengesha ayi Falawo abe shicimpamya. Aboobo wakakasha bene Isilaeli kuya.

Kulonga 12:28

Kuswawaawo bakaya bacita kweelana aMwaami Lesa mbwaakaambila Mose aAloni.

Kulonga 14:23

Bene Ijipiti bakabakonkela amaaki abo oonse, shikoci shankondo alimwi abeshikweensha kushikila amulweenge.

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Kulonga 14:3

Mwaami Falawo lakwe utooyeeya ayi bene Isilaeli batooshingulukabo muluundu, ceebo babula kwakuya mukwiinga wa luyanga.

Kulonga 14:5

Mwaami Falawo wa mucishi ca Ijipiti ndyaakanyumfwa ayi bene Isilaeli baloboka, lakwe alimwi abacinenenene bakwe bakayeeya miyeeyo imwi akwaamba ayi, “Ino twacitilanshi bobulya? Twaleka bene Isilaeli ayi baye, mbulya ono twabuula basha!”

Kulonga 14:8

Mwaami Lesa wakalengesha ayi mwaami Falawo abe shicimpamya akukonkela bene Isilaeli abo bakalinga kuswa mucishi ca Ijipiti cakutaloonda.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Kulonga 7:17

Ono bulya Mwaami Lesa waamba ayi mutooshiba mbwaabete kwiinda musheesho nsheshi acite. Amubone ono ntokuuma nkoli iyi pamaanshi a mumulonga, lyalo maanshi aya atokwaaluka bulowa.

Kulonga 7:3

Sombi ndaakulengesha mwaami kuba shicimpamya, alimwi nabi nkacite shaankamiko ashitondesho sha nkusu shiinji buyani mucishi ca Ijipiti,

Kulonga 7:5

Lyalo bene Ijipiti balaakwishiba ayi nebo ndime Mwaami Lesa, ndaakutandabika lyaansa lyangu lyankusu pali mbabo alimwi akukusha bene Isilaeli mucishi cabo.”

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Esekelo 28:22

akwiilwiita ayi nebo neMwaami Lesa Shinkusu shoonse ndaamba ayi, ‘Webo Sidoni, ntooyanda kukulwana alimwi ndaakuba abulemu ceebo ca sheesho nsheshi nkakuciite. Ndaakumana kukupa mulandu akulitondesha ayi ndisalalite, bantu balaakwishiba ayi nebo ndi Mwaami Lesa.

Esekelo 32:15

Bushiku ndaakusandula cishi ca Ijipiti kuba luyanga, akunyonyoola shoonse shili mucishi ico, alimwi ndaakucaya bantu boonse bekalaamo, balaakwishiba ayi nebo ndi Mwaami Lesa.

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Esekelo 39:13

Bantu boonse ba mucishi balaakwiifukila alimwi bushiku mbweshi nkatondeshe bulemu bwangu abalo balaakulemekwa ceebo ca mulimo uyo. Nebo neMwaami Lesa Shinkusu shoonse ndaamba.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Bene Loma 11:8

Mbweeke bwaamba Malembo akwe Lesa ayi, “Lesa wakalengesha ayi babe beshicimpamya ono abobulya tababoni alimwi tabanyumfwi.”

Bene Loma 9:17

Mukwiinga muMalembo Lesa wakaambila Falawo ayi, “Ndakakupa bwaami kwaamba ayi kwiinda muli ndiwe nkatondeshe nkusu shangu akulengesha ayi bantu boonse mucishi ca panshi banshiibe.”

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

Boomboloshi 4:7

Kuswawaawo ndaakulengesha Sisela mutanjilili wa bashilumamba bakwe Jabini kwisa mukukulwana kuMulonga wa Kishoni. Sisela ulaakunoocite shikoci abashilumamba bakwe, sombi ndaakumwaaba mumaansaako.’ ”