Kulonga 12:16 - Baibo Busansulushi Bwa Libuku Ili

¹⁶ Pabushiku butaanshi alimwi apabushiku bwasanu ashobilo, mulyeelete kubungana ayi munambile. Taaku weelete kusebensa panshiku ishi, sombi calo cakulya inga mwabamba.

Kulonga 12:16 ပူးပေါင်းရင်းမြစ်များ

Kulonga 16:23

Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”

Kulonga 16:5

Sombi pabushiku bwasanu abomwi, balyeelete kubwesa shakulya shanshiku shobilo akushitelekela limwi.”

Kulonga 20:10

sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, nkokwaamba ayi webo, bana bako, basha bako, shifubwa shako nabi baswamashi bekala mucishi cako.

Kulonga 34:18

“Mulyeelete kulama bushiku bwakusekelela kulya cimaande. Kweelana ambondakamwaambila, mukanoolya cimaande kwa nshiku shili shosanwe ashobilo mumweenshi wa Abibu, ceebo ngomweenshi ngomwakaswa mucishi ca Ijipiti.

Isaya 1:13

Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Bene Lefi 23:21

Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.

Bene Lefi 23:27

“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa.

Bene Lefi 23:35

Pabushiku butaanshi munshiku ishi, mukanoobungana ayi munambile alimwi tamweelete kusebensa milimo yanu ya nshiku shoonse.

Shakubelenga 28:18

Ono pabushiku butaanshi balyeelete kubungana ayi balambile alimwi tabeelete kucita mulimo umwi uli woonse.

Shakubelenga 28:25

Lyalo bakabungane pabushiku bwasanu ashobilo ayi balambile alimwi tabeelete kucita mulimo umwi uli woonse.

Shakubelenga 28:26

“Ono pabushiku butaanshi bwakusekelela kwakutebula ndibapa cipo ca fulaulo kuli ndime neMwaami Lesa, balyeelete kubungana ayi balambile alimwi tabeelete kucita mulimo umwi uli woonse.

Shakubelenga 29:1

“Ono pabushiku butaanshi mumweenshi wasanu ayobilo, balyeelete kubungana ayi balambile alimwi tabeelete kucita mulimo umwi uli woonse. Bushiku ubu mbwakulisha mapeenga.

Shakubelenga 29:12

“Ingayi pabushiku bwalikumi ashosanwe mumweenshi wasanu ayobilo, bakabungane ayi balambile. Pakusekelela uku kwakundemeka neMwaami Lesa kwanshiku shosanwe ashobilo, tabeelete kucita mulimo umwi uli woonse.

Joni 19:31

Ceebo bwakalinga bushiku bwakulibambila bushiku bwakookesha bwa Cibelu, beendeleshi ba baJuda bakasenga Pilato ayi bantu bakalinga kupopetwe pamicilingano batyoloolwe myeendo, akwaangulwa kabutana kushikila bushiku bwakookesha. Bakacita boobo mukwiinga bushiku ubo bwakalinga bunene kuli mbabo.

Dutolonomi 16:8

Mpomunyaawo kwanshiku shosanwe abomwi mukanoolyabo cimaande. Ono pabushiku bwasanu ashobilo mukabungane ayi mulambile Mwaami Lesa, Lesa wanu alimwi tamweelete kucita mulimo nabi womwi.